Máis de 200 atletas participaron na segunda carreira +5 Bandeira Azul
Por Redacción
A segunda edición da carreira popular +5 Bandeira Azul de Ponte Caldelas congregou este sábado a dous centos de atletas a beiras do río Verdugo.
Gustavo Santiago e Blanca Labandeira foron os vencedores da carreira.
O primeiro deles completou o percorrido de 5.000 metros en 18 minutos e 36 segundos, seguido de preto por Abel Barros e Manuel Lorenzo, segundo e terceiro respectivamente.
En categoría feminina Labandeira asinou un tempo de 22 minutos e 24 segundos, superando a Fátima Quintana e Ana Alonso, que completaron o podio.
A organización xa pensa en introducir cambios no percorrido para o próximo ano, no que esperan ofrecer a posibilidade de completar 10.000 metros de carreira.