Javi Gómez Noya triunfa en Lisboa e gaña o seu cuarto título europeo
Por Redacción
Chegou, viu e venceu. Javi Gómez Noya conseguiu engrosar aínda máis o seu exitoso e extenso palmarés este sábado ao impoñerse en Lisboa no Campionato de Europa de Tríatlon en distancia olímpica, na que era a súa primeira gran competición da tempada tras o seu debut a pasada semana no Grand Prix francés.
O deportista galego non tivo rival na capital portuguesa, dominando de principio a fin para facerse coa súa cuarta coroa europea, tras as de 2007, 2009 e 2012.
Gómez Noya saíu no grupo cabecero tras os 1.5000 metros de natación, mantívose nos primeiros postos nos 40 quilómetros de ciclismo e rematou a faena nos 10 quilómetros a pé, onde fixo a diferenza para finalizar cun tempo de 1 hora, 49 minutos e 30 segundos, con 39 de vantaxe sobre o seu inmediato perseguidor, o ruso Dmitry Polyanskiy (1:50:09).
Completou o podio na terceira posición o suízo Andrea Salvisberg (1:50:32) nunha proba disputada na contorna do Parque das Nacións lisboeta.
BO PAPEL DE CARMEN GÓMEZ CORTÉS
En Lisboa tamén se atopaba Carmen Gómez Cortés, para afrontar a competición junior do Campionato de Europa, na que conseguiu acabar nunha meritoria décima posición.
A triatleta pontevedresa finalizou a carreira cun tempo de 1:04:22, a un minuto do podio nunha proba na que se impuxo a francesa Cassandre Beaugrand (1:02:42), mentres a tamén galega Inés Santiago rozou o podio ao acabar na cuarta praza.
Relacionadas:
-
Hamburgo, primeira experiencia de Carmen Gómez nas Series Mundiais de tríatlon
Por Redacción |
-
Gómez Noya renuncia tamén ás Series Mundiais de Hamburgo pensando en Río
Por Redacción |
-
Os Brownlee amargan o regreso de Gómez Noya ás Series Mundiais, cuarto en Leeds
Por Alejandro Espiño |
-
Javi Gómez Noya, premio Princesa de Asturias dos Deportes
Por Alejandro Espiño |
-
Gómez Noya, a polo seu cuarto título europeo en Lisboa
Por Redacción |
-
Gómez Noya recoñece que se está "atopando ben" antes de estrear tempada en Francia
Por Diego Espiño & Mónica Patxot |
-
Gómez Noya pospón o seu debut nas Series Mundiais ata Leeds e renuncia a pelexar polo título
Por Redacción |