Gómez Noya, a polo seu cuarto título europeo en Lisboa
Por Redacción
O vindeiro sábado, 28 de maio, chega a primeira gran competición do ano para Javier Gómez Noya, centrado na súa preparación para os Xogos Olímpicos.
O pentacampión mundial, que se estreou o pasado fin de semana cun cuarto posto individual no Grand Prix francés en Dunkerque, afronta agora o reto de lograr o seu cuarto título europeo en Lisboa.
Na capital lusa dispútase o Campionato de Europa en distancia olímpica, proba na que faltan a maioría de primeiras espadas pero na que haberá un bo nivel competitivo con deportistas como o eslovaco Richard Varga ou os irmáns Polyanskiy.
Goméz Noya ten a opción en Lisboa de sumar un título continental máis no seu extenso palmarés tras os conseguidos en 2007,2009 e 2012.
Tamén estará en Portugal, en categoría junior, a pontevedresa Carmen Gómez Cortés, que recentemente conseguiu a medalla de bronce no Nacional sprint. Precisamente as súas principais rivais no Campionato de España, Cecilia Santamaría e Inés Santiago, participarán tamén no Europeo.
A carreira junior feminina arrincará ás 9:00 horas do sábado, mentres a elite masculina está fixada para as 11:00 horas.
Relacionadas:
-
Javi Gómez Noya triunfa en Lisboa e gaña o seu cuarto título europeo
Por Redacción |
-
Gómez Noya recoñece que se está "atopando ben" antes de estrear tempada en Francia
Por Diego Espiño & Mónica Patxot |
-
Gómez Noya pospón o seu debut nas Series Mundiais ata Leeds e renuncia a pelexar polo título
Por Redacción |
-
Carmen Gómez cambia o CGTD de Pontevedra pola Residencia Blume de Madrid
Por Diego Espiño |