Bueu Atlético imponse a Balonmán.com nun partido sen defensas (33-38)
Por Redacción
Entrou mellor no partido o Balonmán.com, que sorprendeu a un Bueu Atlético despistado en defensa e desacertado en ataque. As consecuencias foron que os locais conseguiron a súa máxima vantaxe de cinco goles (9-4) no primeiros dez minutos de xogo.
A partir de aí o partido entrou nun constante cambio de alternativas. Un parcial de 0-4 devolvía as posibilidade ao Bueu, que lograba poñerse por primeira vez con vantaxe (10-11) aos 20 minutos, ampliando ata o 12-14, seis minutos antes do descanso.
Responderían os de Pedro Pérez cun parcial de 4-0 en só tres minutos, para retomar o mando, pero Bueu contestaba con dous goles de Mauro Bacelar para irse ao vestiario co marcador igualado (16-16) e a sensación de que as defensas non estiveran finas en ningún dos equipos.
A segunda parte seguiu coa mesma tónica de dominio alterno ata o ecuador do devandito período (25-26), momento en que o Bueu Atlético pisou o acelerador e escapouse definitivamente cun parcial de 1-6 para poñer o marcador en 26-32 (minuto 47), que xa resultaría inalcanzable para un Balonmán.com que naufragou en defensa e foi incapaz de frear a Mauro Bacelar (12 goles), ata terminar cun resultado claro (33-38), pero que non reflicte a igualdade existente na maior parte do partido.
Consulta aquí o acta do partido.
Relacionadas:
-
Balonmán.com e Poio Artai despiden a liga con claras derrotas ante SAR (31-20) e Bueu (34-25)
Por Redacción |
-
Derrotas de Balonmán.com ante BM Chapela (26-28) e Poio Artai en Coia (36-19)
Por Redacción |
-
Balonmán.com non pode co líder Calvo Xiria (23-30) e Poio Artai tampouco se estrea en Lavadores (30-23)
Por Redacción |