Derrotas de Balonmán.com ante BM Chapela (26-28) e Poio Artai en Coia (36-19)
Por Redacción
Necesitaba gañar o Chapela a un Balonmán.com que non se xogaba nada, para manter a súa pugna polo liderado con Calvo Xiria. Fíxoo o equipo de Frank Teixeira, pero con máis apuros dos previstos, posiblemente debido aos nervios pola importancia dos puntos, sufrindo ata o final, xa que os pontevedreses non se entregaron en ningún momento.
Os redondelanos chegaron a mandar de cinco goles (8-13), pero Balonmán.com logrou poñerse a un só tanto por baixo (13-14) a falta de catro minutos para o final do primeiro tempo, aínda que dous goles de Chema Cid ampliaron a diferenza ata ese 13-16 con que se chegou ao descanso.
Nos primeiros minutos do segundo tempo o Chapela conseguiu mesmo a súa máxima vantaxe (13-19), co que parecía que o partido estaba decidido. Nada máis lonxe da realidade, xa que o equipo de Pedro Pérez refíxose e mesmo chegou a poñerse a un só gol (24-25) a falta de menos de cinco minutos para o final.
Coke Fontenla e David Escudero deron a tranquilidade aos visitantes, facendo inútiles os dous goles finais de Pablo Galiano, para deixar o marcador nun apertado 26-28.
Consulta aquí o acta do partido.
POIO ARTAI AFÚNDESE NA SEGUNDA PARTE
Empezou sorprendendo o Poio Artai cun parcial de saída (0-3) que lle permitiu levar a iniciativa ata o minuto 7, momento en que Seis do Nadal devolveu ese parcial para poñerse por diante (6-5) aos nove minutos de xogo. A partir de aí os empates e vantaxes mínimas para o cadro local sucedéronse ata superar o ecuador do primeiro tempo no que os de Coia aceleraron, conseguiron parar ao artilleiro visitante, Pedro Tabuyo, que ademais foi excluído, e escapáronse ata de catro goles (15-11), reducindo lixeiramente os visitantes para irse ao descanso con todo por decidir (15-13).
A segunda parte non tivo máis historia que a absoluta superioridade do Seis do Nadal, ao que lle sobrou tempo para converter a igualdade en malleira. Así, en pouco máis de 15 minutos, os vigueses fixeron un parcial absolutamente incontestable de 12-2, para deixar sentenciado o resultado (27-15).
Co Poio Artai entregado, os minutos restantes sobraron e só serviron para certificar o rotundo triunfo local, cunha diferenza que seguiu crecendo ata o 36-19 final.
Consulta aquí o acta do partido.
Relacionadas:
-
Balonmán.com e Poio Artai despiden a liga con claras derrotas ante SAR (31-20) e Bueu (34-25)
Por Redacción |
-
Bueu Atlético imponse a Balonmán.com nun partido sen defensas (33-38)
Por Redacción |
-
Poio Artai cede fronte a BM Lalín (23-31)
Por Redacción |
-
Poio Artai suma o seu primeiro punto pero escápaselle a vitoria fronte a BM Cañiza (25-25)
Por Redacción |
-
Balonmán.com non pode co líder Calvo Xiria (23-30) e Poio Artai tampouco se estrea en Lavadores (30-23)
Por Redacción |
-
Balonmán.com certifica a permanencia á conta de BM Artabro (32-36) e Poio Artai cae ante BM Porriño (19-24)
Por Redacción |