Un mes de xaneiro cargado de partidos para o Pontevedra
Por Diego Espiño
O primeiro plantel do Pontevedra goza estes días duns merecidos días de descanso tras un brillante final de ano que lle situou en postos de play-off de ascenso a Segunda División.
Con todo, os granates non se conforman e xa pensan no que virá durante o mes de xaneiro nun inicio de 2016 cargado de partidos oficiais.
De momento os futbolistas dirixidos por Luisito aproveitan para gozar das festas antes de volver aos adestramentos o vindeiro luns 28 de decembro.
O técnico granate espera que os días de descanso sirvan para que algúns xogadores deixen atrás os problemas físicos cos que chegaron ás últimas xornadas ligueiras, sobre todo tendo en conta o calendario que deberán afrontar.
O primeiro compromiso oficial do ano chegará pronto, o domingo día 3 de xaneiro, visitando ao Burgos no último partido da primeira volta.
Tras ese encontro chegará a ida dos oitavos de final da Copa Federación ante o Rápido de Bouzas no Estadio Municipal de Pasarón, previsiblemente o mércores 6, en lugar do xoves que estaba indicado tras o sorteo, para que o Pontevedra dispoña dun día máis antes de afrontar un novo desprazamento ligueiro, o 10 de xaneiro a Guijuelo.
Unha semana despois os granates recibirán en Pasarón ao Cacereño, o 17 de xaneiro, tendo que xogar o 20 ou 21 a volta da Copa en Bouzas.
Para pechar o mes chegarán os dous últimos compromisos ligueiros, o 24 de xaneiro a domicilio ante o Tudelano e o 31 de xaneiro na casa ante o Lealtad de Villaviciosa.
Relacionadas:
-
Un Pontevedra sen actitude obrígase a remontar tras caer fronte a un Rápido de Bouzas superior (2-3)
Por Ramiro Espiño & Diego Torrado |
-
Un gris Pontevedra encoméndase a Edu para rabuñar un valioso punto en Burgos (1-1)
Por Redacción |
-
El Plantío, primeira parada do ano para o Pontevedra
Por Diego Espiño |
-
Sen descanso en Noitevella e Aninovo para o Pontevedra pensando na complicada viaxe a Burgos
Por Diego Espiño |
-
Mouriño, de baixa tras ser operado de apendicite
Por Redacción |
-
Contra a Cultural Leonesa e a pesar dunha arbitraxe nefasta, o Pontevedra (2-1) remonta e entusiasma
Por Ramiro Espiño & Diego Torrado |
-
Rápido de Bouzas, rival do Pontevedra nos oitavos de final da Copa Federación
Por Redacción |