O Marcón inicia os adestramentos coa "ilusión" de loitar pola permanencia
Por Redacción
Coas baterías cargadas e "ilusión de conseguir manternos na categoría". Así arrancou este luns a pretempada o Marcón Atlético baixo as ordes, un ano máis, de José Manuel Carlés.
O técnico fíxase de novo a continuidade en Preferente como obxectivo principal, cun equipo con varias caras novas pero que aínda podería sufrir cambios porque "nin está pechado nin buscamos algo de maneira obsesiva", recoñece Carlés.
Antes do inicio de liga, fixado para o 23 de agosto ante o Porriño, os pontevedreses afrontarán cinco compromnisos amigables.
O primeiro deles xogarase xa este xoves 30 (21:00 horas) ante o Ribadumia a domicilio, un partido que chega cedo pero que será unha boa pedra de toque.
Despois chegará o 5 de agosto a estrea na casa ante o Pontevedra e o sábado 8 un choque, tamén no Carrasco, contra o Caldas.
Ademais o Marcón participará no triangular do Marín, no que tamén participará o Moaña, antes de pechar a pretempada co tradicional Trofeo Ferretería Gallega, o domingo 16 de agosto ante o equipo de División de Honra Xuvenil do Celta de Vigo.
Relacionadas:
-
Vitoria cómoda do Pontevedra (1-3) sobre un digno Marcón Atlético
Por Ramiro Espiño & Diego Torrado |
-
Sorteado o calendario de liga en Preferente Autonómica Sur cun Marcón-Porriño na primeira xornada
Por Redacción |
-
Tres fichaxes confirmadas nun Marcón que quere dar un paso adiante
Por Diego Espiño |