Os socios non pasarán pola billeteira no partido de volta ante o Manzanares
Por Redacción
O Pontevedra Club de Fútbol volve este luns ao traballo pensando xa en remontar o 1-0 co que regresou de Manzanares no partido de volta que se xogará o próximo sábado (20:00 horas) no Estadio Municipal de Pasarón.
Ao igual que os pupilos de Luisito o club considera fundamental o apoio da afección, aínda que son conscientes do complicado de repetir o cheo que se rexistrou ante o Mensajero.
Nesta liña a directiva granate decidiu que os socios poidan entrar de balde ante o Manzanares, mentres os prezos para o público xeral se fixaron en 15 euros para Tribuna, 12 para Preferencia e 6 nos fondos.
Por outra parte os menores de 18 anos deberán aboar dous euros de entrada, mentres os acompañantes de socios se beneficiarán dun lixeiro desconto (10, 8 e 5 euros respectivamente) se adquiren a súa entrada antes do venres. Os nenos de ata 6 anos entrarán de balde.
A venda anticipada habilitouse dende este luns nas oficinas do club, no Estadio Municipal de Pasarón en horario de 9:00 a 14:00 e de 16:00 a 21:00 horas.
O sábado, día do partido, a billeteira abrirá de 11:00 a 14:00 horas e a partir das 16:00 horas.
Relacionadas:
-
O Pontevedra abóase a sufrir pero remonta na prórroga ao Manzanares (2-0) e segue na loita polo ascenso
Por Ramiro Espiño & Diego Torrado |
-
Sen marxe de erro para un Pontevedra obrigado a vencer por dous goles ao Manzanares
Por Ramiro Espiño |
-
Intensidade nos adestramentos e fe na remontada
Por Diego Espiño |
-
Un penalti inventado dá vantaxe ao Manzanares (1-0) ante un Pontevedra que perdoa pero merece máis
Por Ramiro Espiño |