Habilitan a venda anticipada de entradas para os campionatos de España de ximnasia rítmica
Por Redacción
Comeza a conta atrás para os campionatos de España de ximnasia rítmica, que terán Pontevedra como sede durante dous fins de semana de competición.
A organización, a cargo do Club Treboada en colaboración do Concello de Pontevedra, puxo en marcha o servizo de venda das entradas para as dúas citas previstas na cidade de Lérez, o nacional de clubs e autonomías (do 25 ao 28 de xuño) e o Campionato de España Individual (do 2 ao 5 de xullo).
Ambas as dúas citas desenvolveranse no Recinto Feiral de Pontevedra coa presenza de máis de 1.300 ximnastas de toda a xeografía nacional, competindo nunhas instalacións que contarán con oito tapices de quecemento e un central, rodeado dunha bancada con aforamento para 2.000 espectadores.
Nos dous campionatos as finais resérvanse para a xornada do domingo, coas clasificatorias durante venres e sábado.
O prezo marcado para cada unha das xornadas completas de clasificación é de 11 euros para o público xeral e de 6 euros para menores de 6 a 12 anos, mentres só pola tarde venres e sábado terá un custo de 7 e 3 euros respectivamente.
Para as xornadas de domingo, que se celebrarán só de mañá, a entrada custará 11 e 6 euros.
Existe ademais a posibilidade de adquirir un abono para os dous campionatos por 52 euros ou de 28 euros para cada un deles, 15 euros para os menores.
A venda anticipada de entradas pódese realizar a través da web www.clubtreboada.es ata o día 23 de xuño.
Relacionadas:
-
O Recinto Feiral, a punto para recibir os campionatos de España de ximnasia rítmica
Por Redacción |
-
A alta participación prevista obriga a ampliar un día de competición no Nacional de Ximnasia Rítmica
Por Redacción |
-
Concello e clubs de ximnasia ultiman a organización dos campionatos de España de rítmica
Por Redacción |
-
O Nacional de Ximnasia Rítmica, principal novidade do calendario deportivo presentado polo Concello para 2015
Por Diego Espiño |