Terceiro posto para Lucía Vázquez no Open MTB Puerta de la Alpujarra
Por Redacción
Paso adiante para Lucía Vázquez cunha terceira praza no II Open MTB Puerta de la Alpujarra disputado durante a fin de semana na localidade granadina de Lanjarón.
A ciclista de Vilaboa logrou en Andalucía o seu segundo podio da tempada, o primeiro no calendario nacional, tras sumar senllos terceiros postos na contra o reloxo do sábado e a proba en liña do domingo.
Na crono de 5,8 quilómetros Vázquez rematou a 2:27 da gañadora, Rocío Martín, mentres Marga Fullana entrou segunda a 21 segundos de Martín.
Esa mesma orde repetiuse na proba longa, de 39 quilómetros, aínda que Lucía disputou ata o final o segundo lugar con Fullana.
A cita da Alpujarra serviu á vilaboense para preparar o regreso do Open de España XCO, que vivirá a súa segunda carreira o próximo fin de semana co GP Ciudad de Jérez.
Relacionadas:
-
Novo podio para Lucía Vázquez cun segundo posto no Open de Madrid
Por Redacción |
-
Dobre triunfo de Lucía Vázquez en Xerez na segunda proba do Open de España
Por Redacción |
-
Segundo posto para Lucía Vázquez en Portugal
Por Redacción |
-
Lucía Vázquez inicia o Open de España cun dobre cuarto posto en Valladolid
Por Redacción |