Gómez Noya e os irmáns Paz, entre os galadornados cos Premios Deporte Galego 2014
Por Redacción
Os Premios do Deporte Galego 2014 xa contan con gañadores para as súas 17 categorías, despois da reunión que o xurado protagonizou este martes no Concello de Vilagarcía de Arousa.
O xurado, presidido polo Secretario Xeral para o Deporte, analizou as propostas remitidas por diferentes entidades deportivas e organismos para distinguir as persoas e clubs que destacaron o pasado ano na contribución do deporte galego, decidindo que Javier Gómez Noya sexa quen reciba un ano máis o premio a mellor deportista masculino polos seus destacados resultados deportivos.
Asímismo a ourensana Vanesa Sotelo (fútbol sala) foi distinguida como mellor deportista feminina.
No apartado de equipos os irmáns arousáns Carlos e Antón Paz (vela) recibirán o premio a mellor equipo masculino nunha Gala do Deporte Galego que se celebrará o próximo 9 de abril Auditorio Municipal de Vilagarcía.
A lista completa de galardoados nos Premios do Deporte Galego que outorga a Xunta de Galicia é:
- Mellor deportista masculino: Javier Gómez Noya (tríatlon).
- Mellor deportista feminina: Vanesa Sotelo (fútbol sala).
- Mellor deportista masculino con discapacidade: Alejandro Vidal (parataekwondo).
- Mellor deportista feminina con discapacidade: Susana Rodríguez (paratríatlon).
- Mellor equipo masculino: Carlos Paz e Antón Paz (vela).
- Mellor equipo feminino: Alejandra Suárez e Helena Pérez (vela).
- Mellor equipo con deportistas con discapacidade: Club Baloncesto AMFIV (baloncesto en cadeira).
- Mellor entidade na promoción do deporte base: Club Carmelitas Vedruna.
- Mellor adestrador: Ferenc Szabo (halterofilia).
- Mellor árbitro: Alberto Rodríguez (balonmán).
- Mellor evento deportivo: O Marisquiño.
- Mellor labor informativo: Javier Ferreiro.
- Deportista revelación: Ex aequo, Andrea Ferreiro (hóckey) e Jaime de Haz (remo).
- Patrocinio deportivo: Conservas Frinsa.
- Premios 'Galicia Saudable': Circuíto Ribeira Sacra (carreiras populares), Fundación Maria José Jove e CEIP Virxe da Pena da Sela do Irixo.
Relacionadas:
-
A pista de piragüismo de Pontillón do Castro levará o nome de David Cal
Por Diego Espiño |
-
Gómez Noya faise centenario en Australia
Por Redacción |
-
David Cal recibirá unha homenaxe da Xunta na entrega dos Premios Deporte Galego
Por Redacción |
-
Gómez Noya remata segundo nas Series Mundiais de Auckland tras Jonathan Brownlee
Por Diego Espiño |
-
Sexto posto para Javi Gómez Noya no seu debut nas Series Mundiais de tríatlon
Por Alejandro Espiño |
-
David Cal queda fóra das axudas da Xunta a deportistas de alto nivel
Por Diego Espiño |