Gómez Noya remata segundo nas Series Mundiais de Auckland tras Jonathan Brownlee
Por Diego Espiño
Primeiro podio da tempada nas Series Mundiais de Tríatlon para Javier Gómez Noya.
O triatleta galego, tras o seu sexto posto en Abu Dhabi, finalizou segundo en Auckland (Nova Zelandia) na primeira carreira do campionato sobre distancia olímpica (1,5 quilómetros de natación, 40 quilómetros de ciclismo e 10 de carreira a pé), aínda que neste caso o tramo de bicicleta contaba con 43,2 quilómetros.
As difíciles condicións meteorolóxicas, con calor e humidade, marcaron unha proba que se decidiu nos últimos 10 quilómetros.
Antes Gómez Noya saíra da auga nos postos dianteiros integrándose no grupo cabeceiro de ciclismo, pero o alto ritmo imposto fixo que non puidese seguir no último tramo a Jonathan Brownlee, que conseguiu o triunfo (1:55:26).
Javier Gómez Noya entrou tras o británico a 15 segundos (1:55:41), completando o podio o francés Pierre Le Corre (1:55:52).
A case un minuto do podio entrou nunha meritoria cuarta praza o talaverano Fernando Alarza (1:56:48), triatleta afincado tamén en Pontevedra. Pola súa banda o español Mario Mola, que chegaba como líder, foi décimo quinto.
A clasificación xeral pasa a estar dominada por Jonathan Brownlee (1.386 puntos) seguido por Gómez Noya (1.282) e Alarza (1.134).
Relacionadas:
-
Liderado das Series Mundiais para Gómez Noya tras ser segundo Sudáfrica con gran debut de Pablo Dapena
Por Diego Espiño |
-
Terceiro posto para Javi Gómez Noya nas Series Mundiais de Gold Coast tras unha complicada carreira
Por Diego Espiño |
-
Gómez Noya faise centenario en Australia
Por Redacción |
-
Gómez Noya e os irmáns Paz, entre os galadornados cos Premios Deporte Galego 2014
Por Redacción |
-
Sexto posto para Javi Gómez Noya no seu debut nas Series Mundiais de tríatlon
Por Alejandro Espiño |
-
Gómez Noya abandona en Dubái por problemas físicos a unha semana do seu debut nas Series Mundiais
Por Redacción |
-
Javi Gómez Noya inicia a súa tempada en Dubái co reto de ser o 'home do millón de dólares'
Por Alejandro Espiño |