O Natación Galaico, mellor equipo do Campionato Galego de Inverno
Por Redacción
A piscina de Santa Isabel, en Santiago de Compostela, rendeuse ao potencial do Club Natación Galaico no Campionato Galego de Inverno.
Durante os tres días de competición o equipo pontevedrés mantívose como o mellor na clasificación por equipos, logrando revalidar o título de hai un ano en Ferrol.
O Galaico finalizou con 999,5 puntos polos 819,5 do Pavillón Ourense e os 693 do Cidade de Santiago, coas rapazas en primeira posición e os rapaces segundos tras o equipo anfitrión.
Axudaron moito a conseguir o obxectivo as boas marcas dos nadadores lerezanos, que en varios casos melloraron os seus rexistros.
Foi o caso de Daniel Sánchez, que logrou a mellor marca galega de menores de 16 anos nos 50 costas (26.72) e nos 100 costas (57.33), Águeda Cons nos 1.500 para menores de 14 anos (17:16.00) e Nuria Erselle, que bateu o mellor tempo autonómico dos 100 costas en dúas ocasións para deixalo en 1:05.54.
Na piscina de 25 metros puidéronse ver ademais varios records do campionato, os de Bea Gómez nos 200 estilos (2:12.89) e os relevos 4x100 e 4x200 feminino, composto pola propia Bea, Nuria Erselle, Iria García e Paula Goyanes (3:53.96 e 8:20.82 respectivamente).
O fin de semana completouse no Complexo Deportivo Rías do Sur de Pontevedra, que reuniu 150 nadadores das categorías Promesa, Benxamín e Alevín para a terceira xornada da liga de idades e a segunda do Trofeo Promesas.
Relacionadas:
-
O Natación Galaico refórzase cos triatletas internacionais Fernando Alarza e Luis Miguel Velásquez
Por Redacción |
-
Bea Gómez estrea o seu calendario internacional no Meeting de Luxemburgo
Por Redacción |
-
Catro nadadores do Galaico, convocados para o Nacional Infantil e Júnior por Autonomías
Por Redacción |
-
Primeira cita de nivel do ano para Bea Gómez no Open de Cataluña
Por Redacción |
-
O Campionato Galego de Inverno, novo reto para o Club Natación Galaico
Por Redacción |