Álex Pombo rescinde o seu contrato co Teucro
Por Redacción
A Sociedad Deportiva Teucro anunciou, a un día de comezar os adestramentos, a baixa do extremo Alejandro Pombo.
Xogador e directiva chegaron a un acordo para rescindir o contrato que vinculaba ao canterano co club durante unha tempada máis.
Segundo explica o Teucro nun comunicado, Pombo "quere centrarse en encamiñar o seu futuro laboral e decidiu deixar a SD Teucro para buscar un traballo que lle proporcione estabilidade a longo prazo".
O primeiro plantel inicia este mércores a pretempada con Quique Domínguez ao mando do equipo e a presenza nos adestramentos, ademais das novas fichaxes, de seis xogadores da base.