O Teucro renova a Chapela, Borja e Carlos García e prescinde de Cadilla e Miguel Sío
Por Diego Espiño
A Sociedad Deportiva Teucro continúa coa confección do equipo de cara á próxima tempada e faino dando pasos importantes, como a renovación de tres dos pesos pesados do equipo.
A entidade azul anunciou o acordo de continuidade por un ano de dous dos capitáns, Borja Pedreira e Carlos García, e de "uno de los jugadores con más proyección de Galicia", David Chapela, tal e como o definiu o novo técnico Quique Domínguez.
Con este acordo Borja afrontará a súa sétima tempada como xogador teucrista, polas seis de Carlos García e o cuarto ano de Chapela.
No caso destes dous últimos xogadores, que se recuperan de senllas operacións, ambos os dous aseguraron que todo avanza segundo os plans e poderán comezar co resto do equipo os adestramentos de pretempada, que arrancarán o día 30 de xullo.
Cadilla rescindiu contrato e a Miguel sío non se lle ofreceu a renovación
Nesa cita estarán os xogadores con contrato en vigor como César Armán, Álex Pombo, Carlos Pombo, Marcos Dorado, Víctor Rodríguez, García Pichel e Iván Fernández, pero non o porteiro Dani Cadilla, con quen se negociou a rescisión de contrato, nin o extremo Miguel Sío, ao que non se lle ofreceu a renovación.
Desta forma, coas renovacións anunciadas, o Teucro garántese a continuidade de boa parte do grupo, pero Quique Domínguez confirmou que se traballa na incorporación de varios xogadores "en los próximos días".
Os obxectivos do preparador azul céntranse en fichar dous porteiros, un extremo dereito, un lateral dereito e un pivote, que cubran as ausencias xa anunciadas de Juan Bar, Tomán Moreira e Miguel Porto, ademais de Cadilla e Miguel Sío.
Relacionadas:
-
Carlos García, con molestias aínda no xeonllo, confía en iniciar a tempada co Teucro en plena forma
Por Redacción |
-
Eduardo Moledo e Santiago Gómez, reforzos para o extremo e a portaría do Teucro
Por Redacción |
-
Daniel Hernández: "La plantilla es joven y quizás yo tengo que aportar esa experiencia que falta"
Por Diego Espiño |
-
Daniel Hernández, primeira fichaxe do Teucro de Quique Domínguez
Por Diego Espiño |
-
Quique Domínguez: "El principal objetivo es que la ciudad se vuelva a sentir orgullosa de este club"
Por Diego Espiño |
-
Quique Domínguez volve ao Teucro como adestrador para as dúas próximas tempadas
Por Diego Espiño |
-
O Villa de Aranda de Liga Asobal confirma a fichaxe de Tomás Moreira
Por Redacción |