Jessica Bouzas coróase en México
Por Almu Dapena
A arousá Jéssica Bouzas proclamouse campioa do W50 Morelia que se disputou en Michoacán (México) durante toda esta semana.
Trátase do segundo título da tempada para Bouzas, que asina así un inicio de tempada maxistral en canto a xogo e resultados que lle permiten ascender ao posto 132 provisional da clasificación mundial WTA e ao 98 da clasificación olímpica.
A choiva que caeu ao longo da xornada do venres obrigou a disputar a semifinal e a final o sábado, condicionando á tenista galega a recuperarse á velocidade da luz para disputar dous partidos nun rango de tan só dúas horas de diferenza.
No primeiro deles, Bouzas tivo que remontar ante a alemá Jule Niemeier, número 126 do mundo e cabeza de serie número 2 do evento, que levou o primeiro set por 6-4. Jéssica, lonxe de vir abaixo, repúxose, pelexou ata a última bóla e gañou o segundo e o terceiro set (6-3 e 7-5) para meterse de cheo na gran final.
E foi tan só dúas horas despois cando chegou o enfrontamento decisivo do W50 Morelia entre Jéssica Bouzas e a norteamericana Hailey Baptiste, número 114 do mundo.
De novo foi un exercicio de superación da tenista arousá e levou o primeiro set ao tiebreak. No desempate ía 5-1 abaixo, logrou igualar e dispoñer de bóla de set, pero foi a norteamericana a que se impuxo por 13-11 para facerse co primeiro set da final.
O segundo foi carne sen ósos para Bouzas e esmagou a Baptiste. Púxose 5-0, a norteamericana gañou a súa saque, pero a galega pechou o set nun contundente 6-1.
Con todo por decidir chegouse ao terceiro e definitivo set, no que a tenista vilagarciá salvou ata tres bólas de partido para seguir alongando o encontro (5-4). Co 6-5, Baptiste dispuxo doutro punto de partido, pero Bouzas resistiu, mandou o set ao tiebreak e finalmente gañou por 7-5 para coroarse no W50 Morelia.
Relacionadas:
-
Os Xogos Olímpicos de París, un soño difícil pero aínda posible para Jéssica Bouzas
Por Diego Espiño |
-
Jéssica Bouzas gaña en Antalya e o tenis galego celebra un torneo WTA unha década despois
Por Diego Espiño |
-
Jéssica Bouzas rompe outra barreira e clasifícase para a súa primeira final dun torneo WTA
Por Diego Espiño |
-
Jéssica Bouzas, sen opcións na previa do WTA 1000 de Miami
Por Redacción |
-
O gran inicio de ano de Jéssica Bouzas elévaa ao posto 124 do ranking WTA
Por Diego Espiño |
-
Jéssica Bouzas levanta en Porto o seu décimo título en torneos ITF
Por Redacción |
-
Jéssica Bouzas cae na previa do Open de Australia fronte á india Ankita Raina
Por Diego Espiño |
-
Jéssica Bouzas di adeus ao US Open en primeira rolda da fase previa
Por Redacción |
-
Jéssica Bouzas, cada vez máis preto do Top-100 mundial tras facer final no W100 de Maspalomas
Por Diego Espiño |