O Barça Atlètic alonga a mala serie do Cisne (22-28)
Por Almu Dapena & Cristina Saiz
Un mes leva o Club Cisne Balonmano sen coñecer a vitoria en División Honra Prata. As lesións, sumadas ás imprecisións e os apagamentos ofensivos están a sentencialo xornada tras xornada para caer á oitava praza da clasificación.
É verdade que este sábado tiña unha tarefa difícil ante todo un Barça Atlètic, pero o partido empezou de forma case perfecta para os de Pontevedra, que, apoiados en Roney Franzini, enchufaban un primeiro parcial de 4-1.
Con todo, o bo arranque viuse embazado cunha primeira exclusión de Álex Conde e outra de Alberto Delgado, esta última especialmente castigada por un Barça que aproveitaba esa superioridade numérica para devolver a igualdade (5-5).
Apagouse nese momento a luz en tarefas ofensivas para ambos os dous conxuntos, que estiveron máis de sete minutos sen romper ese resultado. As defensas apertaron os dentes e Franzini e Filip Saric fixeron o propio baixo paus.
Tim Álex foi o autor do sexto tanto e Oriol Zarzuela do sétimo (5-7), Jabato parou o tempo e Alberto Molina, nunha rápida acción de ataque, volveu meter o seu equipo na pelexa e dar paso aos instantes de máxima igualdade (10-11).
Ao arranque da segunda metade o protagonismo seguiu sendo tanto da zaga como dos gardametas. Franzini, moi acertado baixo paus, mantiña vivo un Cisne que erraba unha e outra vez para portería e que anotaba un solitario gol por medio de Dani Serrano en máis de oito minutos disputados. Mentres, no lado contrario as cousas tampouco ían demasiado ben (11-14).
Detivo o cronómetro Jabato e Furtado reduciu distancias, pero cando parecía que a reacción chegaría, Djordje Cikusa e Óscar Grau puxeron máis terra polo medio (14-19).
Empezábaselle a escapar o partido ao conxunto pontevedrés, que pecaba de precipitación e non atopaba a clave para dobregar a un Barça que a pesar de ser incapaz de sacarlle proveito aos erros, mantiña esa pequena renda de cinco goles que estaba a ser máis que suficiente.
O tempo esgotábase e ao Cisne acabábanselle as ideas. A defensa 5-1 non forneceu o efecto desexado e, cansados de remar, os xogadores brancos baixaron os brazos, dando ás a un equipo catalán que non tivo piedade e sentenciou en 22-28.
Consulta as estatísticas nesta ligazón
Relacionadas:
-
O Cisne desprega as súas ás para remontar ante o Zamora (33-27)
Por Almu Dapena & Cristina Saiz |
-
Roney Franzini rompe o tendón de Aquiles e di adeus á tempada
Por Diego Espiño |
-
O Cisne rescata un punto en Alacante (28-28)
Por Almu Dapena |
-
Os Hispanos Xuvenís convocan o cisneísta Manu Lorenzo
Por Diego Espiño |
-
O Cisne retoma o voo á conta do Ciudad Real (27-22)
Por Almu Dapena & Cristina Saiz |
-
As 'Guerreiras' e os 'Hispanos' xogarán esta primavera en Porriño e Lalín mentras que Pontevedra acollerá a Copa 5x5 de balonmán na rúa
Por Oskar Viéitez |
-
Derbi Novás-Cisne na segunda rolda da Copa do Rei
Por Redacción |
-
Dolorosa derrota en casa do líder (31-26)
Por Almu Dapena |
-
As lesións seguen a castigar o Cisne: Carlos Pombo, K.O.
Por Diego Espiño |
-
Empate con sabor a derrota para un Cisne que desaproveitou a súa vantaxe (28-28)
Por Almu Dapena & Cristina Saiz |
-
O Guadalajara corta as ás a un Cisne durmido (33-25)
Por Almu Dapena |