Xurxo Rivas comanda unha sanadora vitoria do Teucro contra o BM Cañiza (39-28)
Por Redacción & Cristina Saiz
Bolsa de aire para a Sociedad Deportiva Teucro, que recupera impulso na Primeira Nacional co triunfo conseguido este sábado no Pavillón Municipal dos Deportes fronte ao BM Cañiza (39-28), resultado que corta unha serie negativa de tres derrotas consecutivas que lle custaron o liderado da competición.
A vitoria teucrista tivo un nome propio, o Xurxo Rivas, e é que o central con 12 goles comandou o ataque dos azuis secundado por Daniel Vicente Pintus (8).
O duelo comezou con certa igualdade ata o 3-3 rozando o minuto 5 de xogo, tempo no que os visitantes terían a súa única vantaxe no partido (1-2). A partir de aí, o vicedecano pisou o acelerador cun demoledor parcial de oito goles consecutivos para abrir unha brecha importante (11-3).
Ao chegar ao ecuador do primeiro acto a renda era xa de dez tantos (14-4) e ao descanso chegábase con case un monólogo que se reflectía nun tenteo de 23-11 que deixaba todo case decidido.
Tiña o Teucro antecedentes de desperdiciar vantaxes considerables, pero os 12 goles eran un mundo. Chegaron mesmo a ser 13, e aínda que o BM Cañiza maquillou lixeiramente o resultado ao final os puntos non perigaron para os pontevedreses, que necesitaban un partido así para recobrar a moral.
Consulta a acta do partido entre Teucro e BM Cañiza na web da Real Federación Española de Balonmán.
Relacionadas:
-
Primeira vitoria do ano do Teucro (33-29)
Por Redacción & Cristina Saiz |
-
O Teucro dobrega o Calvo Xiria (40-26)
Por Redacción & Cristina Saiz |
-
Triunfo solvente do Teucro na cancha do Luceros (29-36)
Por Redacción |
-
O Teucro dilapida seis goles de renda na pista do Gáldar e acaba perdendo sobre a bucina (29-28)
Por Redacción |
-
Apagamento na cima e segunda derrota consecutiva do Teucro (33-25)
Por Redacción |
-
Reacción tardía do Teucro e derrota pola mínima contra o OAR Coruña (30-31)
Por Redacción & Cristina Saiz |
-
Competición desestima a impugnación do triunfo do Teucro en Lalín
Por Diego Espiño |
-
Agónico triunfo do Teucro en Lalín (26-27)
Por Redacción |