O son galego e cubano de Roi Casal abre os concertos das Festas da Peregrina
Por Redacción & Diego Torrado
Música galega con aires cubanos para as Festas da Peregrina. Así foi o concerto co que arrancou a oferta musical da semana grande pontevedresa. Ao escenario da praza de España subiu este sábado Roi Casal, antigo compoñente de Milladoiro, que presentou en directo o seu último disco, Son galego, son cubano.
Centos de persoas achegáronse a gozar cun espectáculo ideado xunto ao falecido escritor Xosé Neira Vilas, que busca homenaxear a presenza galega en Cuba, todo un símbolo da emigración dos nosos antepasados.
Son galego, Son cubano rende homenaxe a emigrantes que desde Cuba axudaron a conformar a identidade galega e, ao mesmo tempo, achegaron á nacionalidade cubana.
Xunto coas letras de Neira Vilas, que dan ao espectáculo un toque especial, Casal estivo arroupado por músicos de ambos os países.
A música regresará este domingo á praza de España co concerto da mítica banda de rock española Mago de Oz. Estará acompañada dunha banda local, Vos Solfabirras.
Relacionadas:
-
RADIO.- Comezamos ano con Grammy Latino no Cara a cara
Por Marisa Ciordia |
-
RADIO.- Nacho Mañó de Presuntos Implicados acompaña a Gustavo Almeida na Ferrería
Por Marisa Ciordia |
-
Juan Magán e o seu electrolatino fan vibrar a praza de España
Por Diego Torrado |
-
O rock de Mago de Oz e Os Solfabirras sobe os decibeis das Festas da Peregrina
Por Diego Torrado & Redacción |
-
Pontevedra xa está en festas!
Por Alejandro Espiño & Cristina Saiz |
-
RADIO.- Roi Casal e "Moha" de Mago de Oz súmanse á Playlist
Por Marisa Ciordia |
-
Roi Casal, Mago de Oz, Juan Magán, Morat, Fangoria, Novedades Carminha e Tamara, nas Festas da Peregrina
Por Anxo Lourido | Creada e actualizada