O Club Cisne Balonmano xa coñece ao seu rival para a segunda rolda da Copa do Rei, á que accedeu tras eliminar na primeira o Teucro no derbi pontevedrés.
Os de Jabato esperaban un opoñente da Liga Asobal, ao entrar en competición os oito equipos da máxima categoría, e ese equipo será o Ángel Ximénez de Puente Genil.
Así se determinou no sorteo celebrado este mércores na Real Federación Española de Balonmán para unha eliminatoria que se celebrará de novo a partido único.
No caso do Cisne, ao ser o equipo de menor categoría, o duelo disputarase en Pontevedra o vindeiro martes 15 de outubro.
O resto de partidos de segunda rolda da Copa do Rei son Unió Esportiva Sarriá-Cangas, Handbol Bordils-Benidorm, Alcobendas-Anaitasuna, Cajasur Córdoba-Quabit Guadalajara, Zamora-Puerto Sagunto, Alarcos Ciudad Real-Liberbank Cantabria e Atlético Novás-Nava.