Pontevedra Viva!

José Antonio Gómez Novoa

Naceu en Ourense en 1960, tras graduarse na Escola Universitaria de Maxisterio, comezou a súa andaina laboral, profesional e vocacional traballando durante varios anos como educador de persoas marxinadas ou en risco de exclusión social na Asociación Mensaxeiros pola Paz e Lar Galicia.

Tras incorporarse en 1984 a Institucións Penitenciarias, primeiro como funcionario do Corpo de Axudantes e despois do Corpo Especial, iniciou unha ampla traxectoria no mundo penitenciario onde acumula hoxe unha consolidada experiencia de 30 anos. Foi Director dos Centros de Arrecife de Lanzarote (1994-97) e A Lama (2004-12).

Recibiu a Medalla de Prata ao Mérito Penitenciario en 2007 e a de Oro, outorgada por Orde do Ministro do Interior, en 2010.

Actualmente como Director de Programas realiza labores de docencia e traballo con grupos en "Programas de sensibilización sobre Seguridade Vial" e "Educación en valores a través do cine".

Colabora no blog: http://www.smconectados.com/ e na elaboración do Blog: prisión en positivo + (http://prisionenpositivo.wordpress.com/)). Igualmente dende o mes de xuño de 2014 forma parte do programa de mentoring da Fundación Barrié como mentor: http://mentoresbarrie.org/web/mentores-barrie-mentoring/.