Lores trasladará o luns no encontro con Rueda o seu malestar polos orzamentos "decepcionantes" da Xunta
Por Anxo Lourido
César Mosquera, concelleiro de Infraestruturas, mostraba a súa preocupación este sábado ao analizar os orzamentos da Xunta de Galicia para o ano 2024 ao comprobar que neles non figuras proxectos necesarios para Pontevedra como a variante de Alba nin a rehabilitación de Santa Clara.
"Presentan unhas cantidades para pagar proxectos que van atrasados", manifestou o edil ao referirse ao goberno da administración autonómico en relación cos investimentos que ten previsto realizar en Pontevedra: "Non hai absolutamente nada".
Mosquera mostrouse crítico ao entender que nos orzamentos non se reflicte vontade de acometer cuestións de futuro incidindo na falta de partidas destinadas á dragaxe da ría; a rehabilitación de Santa Clara na que a Xunta manifestara a súa intención de participar ou na creación da variante de Alba.
No caso da variante, Mosquera lembrou que en 2023 figuraba nos orzamentos unha partida deixando aberta a posibilidade de que se iniciase. Lamentou que agora non se contemple cando "é o será máis necesaria que nunca" ao estar previsto o inicio das obras no Nó de Bombeiros.
Explicou que non existen cruces entre a estrada de Vilagarcía e a estrada de Santiago ata o municipio de Barro agás o de San Caetano "que é un bo sitio para que estampen os camións", apuntou o concelleiro denunciando o trazado "moi deficiente" sen garantías de seguridade viaria acorde a estes tempos.
En canto a Santa Clara, Mosquera mantén que os cambios na rehabilitación anunciados por Rafa Domínguez, vicepresidente da Deputación e portavoz municipal do PP, eran unha escusa para atrasar ou para paralizar o proxecto. "Que problema habería en amosar nos orzamentos aínda que fose a vontade de facelo, de incluír Santa Clara? 100.000 ou 200.000 euros para comezar. Nin se puxo", concluíu o representante nacionalista.
#Ante esta situación, avanzou que na axenda de Miguel Anxo Fernández Lores, alcalde de Pontevedra, de cara ao encontro que manterá o luns 23 con Alfonso Rueda, presidente da Xunta, está previsto trasladar todas estas demandas #ante uns orzamentos que cualificou de "decepcionantes" e "desesperanzadores" para o futuro do municipio.
Segundo o concelleiro do goberno do BNG, o diñeiro que destinará a Xunta a Pontevedra neses orzamentos só tenta "pagar as obras que están en marcha ou que están a piques de iniciarse", poñendo como exemplo o novo Hospital Montecelo ou as obras previstas no IES Valle.Inclán, ambas pertencentes á propia Xunta de Galicia.
Relacionadas:
-
"Decepción" no Concello de Vilaboa cos orzamentos da Xunta que cualifica de "desleais"
Por Oskar Viéitez |
-
Lores e Rueda acordan "darlle unha volta" á variante de Alba e ampliar O Campiño
Por Alejandro Espiño & Mónica Patxot |
-
A Xunta subvencionará o 100 % das cotizacións dos primeiros 12 meses para todos os autónomos que inicien a súa actividade o ano que vén
Por Oskar Viéitez |
-
Rueda visita Cuntis co autobús de 'Galicia non para!'
Por Redacción |
-
O PP presume de que Rueda "cumpre coa súa cidade" cos orzamentos para 2024
Por Natalia Puga & Mónica Patxot |
-
Montecelo e a reforma da PO-546, as apostas da Xunta para Pontevedra nos orzamentos para 2024
Por Alejandro Espiño |
-
Mosquera dubida de que neste mandato a Deputación faga "algo" en Santa Clara
Por Oskar Viéitez |
-
Lores confía en que o presidente da Deputación manteña os compromisos adquiridos respecto ao futuro de Santa Clara
Por Mónica Patxot & Anxo Lourido |
-
A Deputación descarta os proxectos para Santa Clara para evitar unha "catástrofe sin igual" coa "vandalización" dos xardíns
Por Oskar Viéitez & Mónica Patxot |