Restricións de tráfico en beiramar por obras entre este xoves 14 e o sábado 16
Por Redacción
O goberno local de Pontevedra indica que desde este xoves 14 de setembro ata o sábado 16 de setembro estableceranse restricións de tráfico en varios puntos da zona de beiramar.
O motivo destas medidas está relacionado cos traballos de asfaltado das calzadas que levan a cabo para que estean en perfectas condicións para o desenvolvemento da Gran Final Series Mundiales Triatlón.
O organigrama presentado é o seguinte:
O xoves 14 pola mañá restrínxese a circulación na Avenida de Bos Aires, á altura da ponte dos Tirantes.
Durante a tarde desa mesma xornada, as obras de asfaltado desenvolveranse na rúa Xosé Malvar, na contorna do Centro de Tecnificación Deportiva.
Na mesma xornada do xoves pola tarde, se dá tempo a comezar os traballos, establécense os límites na avenida do Uruguai, á altura da rúa Galera.
Neste mesmo punto, na avenida de Uruguai, continuarán os traballos ao longo do venres, tanto en quendas de mañá como de tarde.
Por último, o sábado 16 pola mañá levará a cabo a restrición circulatoria en Domingo Fontán, á altura do Puente do Burgo.