Carme da Silva repetirá como cabeza de lista do BNG ao Congreso por Pontevedra
Por Natalia Puga
A concelleira de Pontevedra Carme da Silva repetirá como cabeza de lista da candidatura do BNG ao Congreso para as eleccións xerais do vindeiro 23 de xullo.
O Consello Nacional do BNG deu luz verde ás candidatura este venres e confirma que Da Silva repetirá no mesmo posto que nas dúas últimas eleccións xerais, as celebradas en abril e en novembro de 2019.
Da Silva, membro da Executiva Nacional do BNG, encabeza unha candidatura na que figura como número dous Brais Ruanova, responsable comarcal en Vigo.
O resto da lista está integrada, por esta orde, por: María Ortega, Xosé Manuel Rodríguez Méndez, Marta Gómez Xunqueira, María Paz Correa e Xosé Manuel Méndez.
Son suplentes: Alexandre Fiuza, Davinia Lojo, Helena Otero, Trinidade Pérez-Labaca Diz, Francisco Vilariño, Oscar del Valle, Sabela Bará, Nuno Galán, Sara Sanmartín e Hugo Domínguez Groba.
En canto á candidatura ao Senado, en Pontevedra estará encabezada por Duarte Correa Piñeiro, con Erea Rei e Alexandre Estévez como primeiro e segundo suplentes.
No número 2 vai María Xosé García Gómez, con Daniel Rodas e Yasmina Moreira como suplentes. E o tres é para Ramón Nicolás Rodríguez, con Manuela Rodríguez Pumar e Xoán Reices como suplentes.
A líder nacional do BNG, Ana Pontón, deu a coñecer as candidaturas e destacou que son listas de "país" que combinan renovación xeracional con experiencia e traballo acreditado no Congreso.
"Imos a por todas cunhas candidaturas de país porque o noso obxectivo é defender Galiza, facer valer Galiza, darlle unha voz forte á nosa nación para facernos escoitar ante o Estado", sintetizou.
Aínda que considera que "sobran os motivos" para coller a papeleta do BNG o próximo 23 de xullo, Pontón ve dúas grandes motivacións: "para que Galiza teña voz propia en Madrid e para frear en seco un posible goberno da dereita coa extrema dereita machista, e antigalega.
Pontón destacou que o Bloque está preparado para volver facer historia o 23X, cun BNG á alza que non deixa de sumar apoios. "Unha vez máis saímos a gañar, coa máxima ambición e confianza e cun obxectivo claro: conseguir un grupo galego forte en Madrid", destacou.
Relacionadas:
-
Sabela Bará (BNG): "A administración do Estado segue a poñer obstáculos ao uso con normalidade do noso idioma"
Por Redacción |
-
Ana Pontón, na Illa de Arousa: "desde Madrid vese moi lonxe a costa galega e non se atenden as necesidades do noso sector do mar"
Por Anxo Lourido |
-
Ana Pontón asegura que "do que nós dependa a dereita e a extrema dereita non van gobernar no Estado español"
Por Oskar Viéitez & Mónica Patxot |
-
Frente Obrero, Pacma, Por un mundo máis Xusto, PCTG e Recortes Cero preséntanse ao 23X por Pontevedra
Por Oskar Viéitez |
-
Ana Pontón rodéase de pontevedreses ante o "gran reto" de liderar Galicia en 2024
Por Alejandro Espiño |
-
O PSOE revalida a súa hexemonía en Pontevedra ante un PP en alza e o descalabro de Ciudadanos
Por Alejandro Espiño & Diego Torrado | Creada e actualizada
-
10N: Chaman á participación ante a "importancia" para Galicia desta cita coas urnas
Por Alejandro Espiño & Diego Torrado |
-
Ana Pontón e Carme da Silva invitan a concentrar no BNG todo o voto do país para defender Galicia en Madrid
Por Diego Torrado & Anxo Lourido |
-
Carme da Silva reclama as transferencias en materia de seguridad viaria para aplicar el 'modelo BNG'
Por Redacción |