Un xestor privado encargarase das colonias felinas de Sanxenxo
Por Redacción
O Concello de Sanxenxo, a través do seu departamento de Medio Ambiente, ultima os pregos para sacar a concurso o programa e xestión de colonias felinas no municipio. Un servizo que sairá a licitación por 22.000 euros e que terá unha duración dun ano e tres prórrogas polo mesmo período.
A Concellería de Medio Ambiente e a Asociación Peludos Invisibles levan anos colaborando no control das 27 colonias rexistradas en distintos puntos do municipio con moi bos resultados. O departamento que dirixe Juan Deza duplicou en 2019 a partida anual que se destinaba ao programa aos 5.500 euros para dar resposta ao incremento de poboación de gatos rueiros.
Unha colonia de gatos esterilizada xoga un papel importante no control de roedores da zona. Ademais de mellorar as condicións sanitarias da propia colonia, o programa CES (Captura, esterilización e solta) favorece a hixiene da contorna ao reducir as condutas propias dos gatos non esterilizados, minimizando a deterioración do mobiliario urbano.
É un programa sanitario que permite que os gatos da rúa estean sans, desparasitados, e non constitúan ningún perigo para os cidadáns nin para a saúde pública.
A colaboración dos 45 coidadores, rexistrados nas oficinas de Medio Ambiente, para localizar as colonias e axudar na súa manutención é clave para manter o control dos michos rueiros, así como o benestar animal.
A empresa adxudicataria do servizo deberá recoller os gatos entregados por persoal autorizado (Policía Local, Emerxencias ou APIS) e encargarase de esterilizar, desparasitar e marcar. O animal permanecerá na clínica tras a intervención ata a súa recuperación, é dicir, ata que coma e beba só.
Relacionadas:
-
14.500 euros serán destinados a controlar as colonias felinas de Sanxenxo
Por Redacción |
-
Benestar Animal identifica con carnés aos voluntarios que coidan das colonias felinas do municipio
Por Redacción |
-
Nova campaña de esterilización de gatos do colectivo 'Castro, luego existo'
Por Redacción |
-
O persoal municipal de Sanxenxo reforzarase con 42 operarios e administrativos
Por Redacción |
-
O Centro de Acollida de Animais da Deputación rexistrou en 2021 a cifra récord de 660 adopcións
Por Oskar Viéitez |