A Xunta pide ao Goberno que concrete "fondos europeos para dar unha alternativa a ENCE"
Por Diego Espiño
Despois das reaccións iniciais e un par de días de reflexión tras a sentenza que anulaba a prórroga á concesión de ENCE para ocupar terreos de dominio público en Lourizán, as diferentes partes implicadas no proceso de procura de alternativas para a pasteira empezaron a mover ficha.
Un deles é a Xunta de Galicia, que a través do seu vicepresidente económico e conselleiro de Economía, Empresa e Innovación, Francisco Conde, asegurou que "seremos absolutamente proactivos e colaboremos co Goberno e coa propia empresa para poder identificar esa solución pero dende un punto de vista pragmático", sinalou en relación a unha mesa de negociación.
En todo caso Conde esixe ao Goberno Central "que visite Galicia e que poida concretar fondos europeos para dar unha alternativa a ENCE" nun "proxecto realista".
Neste sentido o conselleiro, emprazando a ENCE, ademais dos propios fondos europeos entende que "para dar viabilidade a un proxecto destas características precisamos que haxa uns requerimentos técnicos dende o punto de vista da empresa".
Francisco Conde defendeu na súa intervención que "para a Xunta de Galicia a prioridade é o emprego e polo tanto a prioridade é que poida haber unha continuidade non só dos postos de traballo de ENCE senón tamén do impacto que ten un proxecto destas características no sector forestal e no sector loxístico", criticando que "non pode ser que a transición xusta se teña que asumir en termos de desemprego"
Relacionadas:
-
Convocan unha concentración este xoves ante a Subdelegación para demandar máis reunións da mesa de diálogo de ENCE
Por Anxo Lourido & Cristina Saiz |
-
ENCE afunde na bolsa tras a sentenza que anula a prórroga da súa fábrica en Pontevedra
Por Redacción |
-
O comité de empresa da fábrica de ENCE apura as vías de negociación para evitar un peche inminente
Por Cristina Saiz & Anxo Lourido |
-
Lores sobre a sentenza de ENCE: "Quen puxo en perigo os postos de traballo foi o cambalache do PP coa empresa buscando mecanismos ilegais"
Por Anxo Lourido & Cristina Saiz |
-
"ENCE está en pie de guerra. Lo vamos a dar todo en las calles"
Por Alejandro Espiño & Diego Espiño & Cristina Saiz |
-
Feijóo critica a postura do Goberno sobre ENCE: "se cadra dálles votos, pero traen miles de desempregos"
Por Natalia Puga |
-
A patronal, contundente: "No puede desaparecer ENCE de la ría de Pontevedra"
Por Alejandro Espiño |
-
"As sentenzas deben cumprirse", advirte o Ministerio de Transición Ecolóxica tras a anulación da prórroga a ENCE
Por Diego Espiño |