Pontevedra acollerá en 2014 o II Congreso "Ciudades que caminan"
Por Redacción
O alcalde de Pontevedra, Miguel Anxo Fernández Lores, anunciou este luns á xornalista Susana Pedreira de Onda Cero que, despois de meses como ponente e invitado noutros congresos celebrados noutras cidades, Pontevedra será anfitriona dun congreso nacional sobre mobilidade en 2014.
A data está por pechar pero será entre setembro e outubro do ano que vén, sen coincidir coa cita anual de Walk21.
O vindeiro mércores, 16 de outubro, o alcalde e o intendente xefe da Policía Local, Daniel Macenlle, participan no I Congreso sobre mobilidade que organiza a "Red ciudades que caminan" no concello sevillano de La Rinconada.
Macenlle participará como ponente nunha mesa redonda sobre campañas de promoción da mobilidade peonil, mentres que o alcalde será o protagonista da cerimonia de clausura en calidade de anfitrión da segunda edición do congreso que se celebrará en Pontevedra en 2014.
Relacionadas:
-
Pontevedra releva a La Rinconada (Sevilla) como sede do congreso "Ciudades que caminan"
Por Redacción |
-
Macenlle expoñerá en Sevilla a "participación activa" da Policía Local no modelo de cidade
Por Redacción |
-
Lores di en Múnic: "Democracia, esa é a palabra clave do que perseguíamos coa peonalización da cidade"
Por Redacción |
-
Hep Monatzeder, alcalde de Munic "Pontevedra é una inspiración"
Por Redacción |
-
Pontevedra contrastará o seu modelo peonil co de Munich, Goteborg e Sidney
Por Alejandro Espiño |