A Federación Provincial de Hostaleiros denuncia á Xunta polo peche do sector
Por Manu Otero
A Federación Provincial de Hostaleiros de Pontevedra (Feprohos) presentou este luns unha demanda diante do Tribunal Superior de Xustiza de Galicia pola decisión da Xunta de ordenar o peche do sector.
O presidente do colectivo, César Ballesteros, declarou esta mañá á saída dos xulgados de Vigo que é unha serie de tres denuncias as que ten preparadas a agrupación. Esta primeira ten como obxectivo conseguir a suspensión cautelar da norma que lles impide abrir, algo que fixo tamén agrupacións da Coruña e que se conseguiu no País Vasco.
O segundo paso será reclamar unha compensación pola obrigatoriedade de reducir aforos e horarios. A terceira refírese aos peches perimetrais e ao prexuízo causado ao sector hostaleiro.
"A situación é insostible, e nin sequera os impostos baixaron", denuncia Ballesteros, quen protesta tamén por unhas axudas que consideran insuficientes e que non dan nin para cubrir os gastos.
Desde Feprohos aseguran estar cansos de "mendigar" unhas axudas que non chegan, polo que decidiron abrazar a vía xudicial para conseguir unha compensación por danos e prexuízos.
Na capital da provincia, Hoempo pronúnciase a favor desta iniciativa. "Todo o que sexa defensa dos intereses do sector neste momento tan convulso apoiámolo a morte", aseguran desde un colectivo no que tamén levan semanas estudando adoptar medidas similares.
Relacionadas:
-
Daniel Lorenzo, presidente de Hoempo: "Isto non afecta só os hostaleiros, os políticos vanse a levar un golpe duro"
Por Manu Otero & Mónica Patxot |
-
A Xunta aborda co sector o plan de hostalería segura que guiará a desescalada
Por Oskar Viéitez |
-
O PP esixe un convenio entre Concello e Deputación para axudar aos sectores máis golpeados pola pandemia
Por Redacción |
-
Aproban por unanimidade aumentar en 1,6 millóns de euros as axudas para os sectores afectados pola pandemia
Por Oskar Viéitez & Mónica Patxot |
-
Núñez Feijóo augura unha apertura "gradual e prudente" pero advirte que "non podemos fallar ata maio"
Por Redacción |