Sanidade efectuará no centro de saúde de Vilalonga novos cribados preventivos
A Xunta de Galicia, a través da xestión do Servizo Galego de Saúde, efectuará no centro de saúde de Vilalonga unha nova campaña preventiva con cribados poboacionais con test rápidos de antíxenos cara a detectar o maior número posible de portadores asintomáticos da covid-19.
Esta iniciativa preventiva coa intención de ampliar a detección da covid-19 terá lugar durante as tardes do xoves 11 e o venres 12 de febreiro, ademais da mañá do sábado 13 de febreiro.
Convocarase gradualmente e vía SMS telefónico, á poboación sanxenxina de entre 40 a 49 anos de idade, colectivo que nesta localidade acada arredor de 2.600 persoas.
Este tipo de probas serven para aumentar a detección de casos asintomáticos, así como para precisar as cifras de afectados.
Para este programa de cribados, o Concello de Sanxenxo despregará un operativo especial formado por Policía Local e persoal do servizo municipal de emerxencias para garantir o cumprimento das medidas sanitarias e evitar aglomeracións.
Haberá unha carpa no exterior do centro de saúde con entradas e saídas diferenciadas para que as persoas poidan gardar a súa quenda de forma segura en caso de choiva.
Ademais, desde o Concello recomendan que os veciños e veciñas chamadas ao cribado estacionen na contorna, pero deixando libres os accesos ao centro de saúde.
Relacionadas:
-
A área sanitaria non atopa casos positivos no cribado feito en Sanxenxo
Por Redacción |
-
Comeza o cribado en Vilalonga: "Xa o tiñan que ter feito antes", afirman os veciños
Por Alejandro Espiño & Mónica Patxot |
-
A Unión Federal de Policía e a Asociación Pro Garda Civil solicitan probas de cribado
Por Andrea Sánchez Barreno |
-
Comeza o cribado en Caldas de Reis con test rápidos para detectar asintomáticos
Por Redacción |
-
Os veciños da Lama sométense a un cribado masivo
Por Redacción |
-
Durante a primeira semana de febreiro detectáronse 27 positivos nos 6.320 test por cribado na área sanitaria
Por Redacción |