Clamor en Poio por novos cribados tras superar por primeira vez os 200 casos activos por covid-19
Por Alejandro Espiño
Poio converteuse nunha das maiores preocupacións da área sanitaria de Pontevedra. Os contaxios continúan disparados e a incidencia acumulada está en niveis nunca vistos. E é que, por vez primeira, os casos activos por covid-19 no municipio superan os douscentos.
Son, en concreto, 201. Segundo os rexistros do Servizo Galego de Saúde, son 25 máis que onte.
Desde o goberno municipal auguran que este incremento seguirá nos vindeiros días e, por iso, fan un novo chamamento á cidadanía para que só saian dos seus domicilios para realizar aquelas xestións que sexan de primeira necesidade.
"Veñen días moi duros, polo que debemos coidarnos e manter a disciplina, ou do contrario as consecuencias desta terceira vaga da pandemia poden ser nefastas", advirte o alcalde.
Luciano Sobral realizou esta valoración despois de visitar o local social do Vao, onde este mércores finaliza o cribado masivo efectuado pola área sanitaria e no que estaban chamadas a participar as preto de 450 persoas censadas neste núcleo da parroquia de San Salvador.
As inclemencias meteorolóxicas motivaron que os análises efectuados nas últimas horas se desenvolvesen no interior do local, mantendo en todo momento as pertinentes medidas de seguridade e hixiénicas.
O alcalde valorou positivamente o alto índice de participación por parte dos veciños, o que servirá para detectar posibles casos asintomáticos e actuar no menor tempo posible.
Tras este cribado, Sobral reiterou que esta recollida masiva de mostras deben estenderse a outros lugares do municipio onde a situación é "moi preocupante", como é o caso de Campelo.
Relacionadas:
-
Todos os traballadores e usuarios das residencias da área sanitaria recibieron a segunda dose da vacina
Por Redacción |
-
A Policía Local de Poio amplía os controis do peche perimetral e centran a atención na Barca e os accesos ao Vao
Por Redacción |
-
Os negocios de Poio adiantan a hora de peche para fomentar o confinamento e frear os contaxios
Por Manu Otero |
-
Poio, abocado ao nivel extremo de restricións tras alcanzar unha incidencia de 1.451
Por Alejandro Espiño |
-
Caldas apela á "responsabilidade" cidadá ante unha incidencia "disparada" da covid-19
Por Redacción |
-
Campelo, pendente dun cribado: "hai familias enteiras confinadas, nenos no colexio confinados, moitísima xente"
Por Natalia Puga & Mónica Patxot |
-
Sanidade programa cribados a 580 profesionais do marisqueo das tres confrarías do fondo da ría
Por Redacción |
-
"Ordenado" e "masivo" primeiro día do cribado de covid-19 no poboado do Vao
Por Natalia Puga & Mónica Patxot |