Os hostaleiros impulsan un servizo de mediación para reducir os alugueres dos locais
Por Redacción
A Asociación de Empresarios Hostaleiros de Pontevedra (Hoempo) celebraba na tarde deste mércores unha reunión aberta ao empresariado deste sector para analizar as iniciativas emprendidas e as liñas para seguir durante os próximos meses.
Segundo explican desde colectivo, a situación derivada da pandemia está a afectar á hostalería por decisións desde a administración que varían cada quincena movéndose entre o peche dos establecementos a reducións de capacidade imposibles co 100% de gastos para o empresariado. Sinalan que desde os distintos gobernos se pretende exemplarizar utilizando a un sector que está a sufrir.
Ante este escenario teñen previsto poñer en marcha un servizo de mediación para a redución de alugueres para axudar á hostalería de Pontevedra a negociar as súas rendas de aluguer polo tempo que dure esta crise e véxanse minguados os ingresos con motivo das restricións sanitarias.
Sinalan que hai hostaleiros que carecen de capacidade de negociación ou se atopan con arrendadores que non están dispostos a colaborar nin a ceder. Con esta iniciativa buscan sentar as bases dun procedemento de mediación profesional.
Para levar a cabo esta proposta realizarán unha listaxe de hostaleiros interesados no servizo de mediación a través desta ligazón. O prazo estará aberto ata o 4 de novembro, data en que se pechará a inscrición para cuantificar os recursos necesarios.
A asociación que preside Víctor Pampín ten previsto desenvolver o control de acceso seguro dentro do programa de hostalería responsable. Sinalan que ata o de agora detectou unha acollida moi boa entre a clientela.
Afirman, ademais, que o Sergas trasladou á dirección de Hoempo os resultados dos cribados que se realizaron á hostalería pontevedresa. Trátase de 670 probas PCR voluntarias que ofreceron un saldo de nove positivos, un 1,34% do total. Por este motivo, desde a asociación sinalan que a hostalería de Pontevedra é segura. Piden solidariedade, apoio e empatía á cidade.
No caso de que a situación non mellore, non descartan mobilizacións no futuro. Por outra banda, tamén se posicionan a favor da petición de reapertura da rúa Raíña Vitoria e en contra de políticas "que danan abertamente á cidade e afectan a súa mobilidade".
Relacionadas:
-
Pecha o maior parque de bólas de Pontevedra: "Chegou a situación de dicir: non podo seguir con isto porque me estou afundindo"
Por María José Pita & Mónica Patxot |
-
Pontedetapas trasládase a despois do Nadal e no seu lugar fomentarase o 'tempraneo'
Por Redacción |
-
O lecer nocturno, remiso a converterse en cafeterías, esixe a reapertura ou un rescate
Por Manu Otero |
-
Maica Larriba agradece o esforzo da hostalería de Pontevedra na aplicación das normas anticovid
Por Redacción |
-
Reunión entre os Hostaleiros de Pontevedra e o Concello co compromiso de facer presión ante a Xunta
Por Redacción |