Piden a doazón de correas para pasear os cans do refuxio da protectora Os Palleiros
Por Redacción
A protectora de animais Os Palleiros solicitou a través das redes sociais axuda á cidadanía coa intención de que se doen correas para poder realizar saídas cos cans que se atopan no refuxio de Campañó.
Segundo indican desde a asociación, este ano con motivo da pandemia provocada pola covid-19 foi imposible organizar eventos como os tradicionais mercados solidarios para recadar diñeiro que lles permita sufragar este tipo de gastos.
Por este motivo, solicitan a todas as persoas interesadas en doar que acheguen calquera tipo de correo porque son para o uso habitual de paseos, visitas ás clínicas veterinarias ou calquera outra actividade habitual que realizan os integrantes de Os Palleiros.
As correas pódense deixar directamente na protectora ou envialas a través de correo ordinario a Potectora de animais Os Palleiros. Riveiro-Casalderrey 1A, 36157 Campañó. Pontevedra.
Tamén habilitan outros puntos de recollida de donativos como os establecementos Pequeñitos y Adorables na rúa San José, Autoescuela Galicia en Andrés Mellado ou RDSI Informática en Conde Torrecedeira, en Vigo.
Relacionadas:
-
Adeus ás pingueiras no refuxio de animais de Campañó
Por Redacción |
-
Os Palleiros e Ohana organizan un mercadillo solidario nos Soportais da Ferrería
Por Redacción |
-
Os Palleiros pide axuda ao Concello para acabar coas filtracións de auga nas súas instalacións
Por Diego Espiño |
-
RADIO.- Podcans axuda a resolver dúbidas na decisión de esterilizar ou non aos cans
Por Redacción |
-
Volven, con máscara protectora, os 'Paseos Palleiros' a partir do vindeiro sábado 13 de xuño
Por Redacción |