A Autoridade Portuaria prorroga dez anos a concesión da terminal cuberta
Por Oskar Viéitez
O Consello de Administración da Autoridade Portuaria celebrado este xoves aprobou a prórroga do prazo de concesión da All Wheather Terminal (Terminal Cuberta) por un período de dez anos, tal e commo solicitou Galigrain S.A.U.
A Terminal Cuberta é unha instalación multimodal pioneira no ámbito portuario que ofrece servizos de carga e descarga de buques, manexo e distribución de mercadoría e capacidade de almacenaxe nun espazo cuberto e protexido dos elementos meteorolóxicos.
A principal carga que manipula é a pasta de papel producida na fábrica de ENCE e con destino a varios países europeos. A Terminal tamén recibe tráficos de produtos siderúrxicos procedentes de grandes grupos empresariais do sector da automoción, electrodomésticos e outras industrias.
Doutra banda, o Consello aprobou outorgar outra prórroga de dez anos do prazo concesional á empresa Galicia Processing Seafood S.A (GPS) que opera no porto como salga de elaborados de produtos da pesca.
O Porto de Marín consolidouse nos últimos anos como un centro loxístico de recepción, tratamento, elaboración, almacenamento e distribución de produtos pesqueiros conxelados e conta no seu conxunto cunha capacidade de almacenamento frigorífico superior aos 262.000 metros cúbicos. As actividades ligadas ao tráfico de pesca conxelada son ademais das que máis empregos xeran no recinto portuario.
Relacionadas:
-
O Porto de Marín investirá 35 millóns ata 2024 para mellorar o seu calado e ampliar o peirao comercial
Por Alejandro Espiño |
-
Ence becará a universitarios recén titulados para traballar na súa fábrica de Lourizán
Por Redacción |
-
Autoridade Portuaria e Salvamento Marítimo fan un simulacro de contaminación mariña por hidrocarburos
Por Redacción |
-
Dous buques descargan máis de 100.000 toneladas de cereal no porto de Marín
Por Redacción |
-
En corentena un buque no porto de Marín por dar un tripulante positivo en Vigo
Por Natalia Puga | Creada e actualizada