Unha menor de 13 anos, ingresada no hospital tras sufrir unha intoxicación etílica en Sanxenxo
Por Redacción
Unha moza, de 13 anos de idade, foi atendida no Hospital Provincial de Pontevedra tras sufrir unha intoxicación etílica en Sanxenxo.
A menor foi localizada de madrugada por axentes da Policía Local nas inmediacións do porto deportivo de Sanxenxo. Atopábase en compañía de amigas con claros síntomas de embriaguez, e de feito outra delas necesitou asistencia médica.
Tras requirir a presenza de urxencias médicas, as menores foron trasladadas inicialmente ao Punto de Atención Continuada (PAC) de Baltar, aínda que o preocupante estado dunha delas fixo que fose derivada ao Complexo Hosìtalario de Pontevedra.
Segundo fontes consultadas os feitos producíronse pouco despois das 2:00 da madrugada.
As menores, naturais de Ourense, foron identificadas por outra moza do mesmo grupo, polo que se puido avisar aos seus proxenitores para alertalos da situación.