Sen os Reis, sen a ministra e sen apenas invitados: así será a entrega de Reais Despachos na Escola Naval
Por Redacción
Máis dun centenar de novos oficiais -112 para ser exactos- recibirán os seus Reais Despachos. Será nun acto que, a diferenza de anos anteriores, estará tremendamente limitado pola pandemia da COVID-19, que impedirá grandes celebracións.
Así, a Escola Naval organizará este acto de entrega o vindeiro martes 28 de xullo e farao, entre outras ausencias, sen a presenza dos Reis, Felipe VI e Dona Letizia. Tampouco acudirá a ministra de Defensa, Margarita Robles.
Segundo informa o Ministerio de Defensa, a entrega de Reais Despachos estará presidida polo almirante xeral xefe do Estado Maior da Armada, Teodoro Esteban López Calderón.
Ademais, o acto desenvolverase baixo unhas medidas hixiénico-sanitarias moi estritas por prevención e seguridade.
En formación estarán unicamente os alumnos que reciben os seus despachos de oficial e non acudirán autoridades civís nin militares. Só poderán entrar na Escola Naval un reducido número de invitados, todos eles familiares dos alumnos.
Entre os alumnos da Escola Naval que recibirán os seus despachos atópanse 51 oficiais do Corpo Xeral, 17 oficiais de Infantería de Mariña, 26 oficiais de Intendencia e 18 oficiais de Enxeñeiros da Armada.
Relacionadas:
-
A Escola Naval restrinxe os paseos dos alumnos
Por Oskar Viéitez |
-
A Escola Naval celebra a entrega de Reais Despachos aos novos oficiais da Armada
Por Mónica Patxot & Oskar Viéitez |
-
Ciclo de cinema ao aire libre en Marín para o verán da COVID19
Por Redacción |
-
Xura de bandeira o 18 de xullo na Escola Naval de Marín sen autoridades e cun reducido número de invitados
Por Redacción |
-
Un buque da Armada actualizará a cartografía náutica das Rías Baixas
Por Redacción |
-
VÍDEO.- O Juan Sebastián Elcano suca a ría madrugador e solitario
Por Diego Torrado & Redacción | Creada e actualizada