Todos os compañeiros do médico con coronavirus de Baltar dan negativo na PCR e continúa o control sobre os pacientes
Por Natalia Puga
Todos os profesionais sanitarios do centro de saúde de Baltar, en Sanxenxo, que compartían quenda de mañá co médico de familia que esta semana deu positivo por coronavirus foron sometidos a probas PCR e deron negativo.
Así consta na comunicación oficial realizada polo Servizo Galego de Saúde, que indica que a área sanitaria de Pontevedra e O Salnés continúa co seguimento epidemiolóxico do caso. As primeira conclusións dos especialistas situaron o foco do contaxio nunha comida familiar deste facultativo á que asistiron dúas persoas procedentes de Madrid.
A Central de Seguimento de Contactos continuou a manter este venres novas comunicacións cos pacientes atendidos de xeito presencial por este médico de familia e todos eles relataron aos profesionais sanitarios que se atopan ben e están asintomáticos.
En canto aos catro contactos estreitos do médico, a pesares de que deron negativo na proba de PCR, seguen en corentena ata que os servizos de Medicina Preventiva e de Prevención de Riscos Laborais lles indiquen a realización das probas correspondentes e, no seu caso, a finalización do illamento.
A Xerencia da área sanitaria agradeceu este sábado a colaboración de todos os profesionais do centro de saúde de Baltar, do equipo de toma de mostras, dos servizos de Prevención de Riscos Laborais, Medicina Preventiva e de Microbioloxía da Área, pois o seu "eficaz traballo de equipo" permitiu abordar a situación "de xeito modélico e coa máxima celeridade de tempo".
Relacionadas:
-
Denuncian longas colas no PAC de Baltar e advirten de que o verán de 2021 "pode ser con moito o peor das últimas décadas"
Por Redacción |
-
Arranxadas as filtracións da cuberta do centro de saúde de Baltar
Por Redacción |
-
A área sanitaria contabiliza nove casos activos de coronavirus, un máis que o venres e ningún no hospital
Por Natalia Puga |
-
Unha comida familiar con dúas persoas chegadas de Madrid, posible foco de contaxio do médico de Baltar
Por Natalia Puga |
-
Os hospitais da área sanitaria volven estar libres de Covid-19
Por Natalia Puga |
-
O positivo por Covid-19 dun médico activa o protocolo para rastrexar contactos e desinfectar o centro de saúde de Baltar
Por Natalia Puga |