Os traballadores dos cines ameazan con denunciar a Galicine por despido improcedente se non os subroga
Por Redacción
A empresa Coruña Films S.L. baixo a marca comercial de Galicine é, segundo a empresa pública ADIF, a adxudicataria das salas cinematográficas de Vialia. Non obstante, a empresa mantén o silencio á espera de que reciba unha confirmación por escrito.
No sindicato Comisións Obreras mantéñense atentos a todo o que poida suceder nos próximos días. Este luns enviaron un escrito á dirección da nova concesionaria para solicitar unha entrevista na que queren coñecer o proxecto empresarial e o persoal co que queren poñer en marcha o novo proxecto. Neste punto, José Luis García Pedrosa, secretario comarcal de CC.OO. alerta á empresa de que está obrigada a subrogar o equipo de 15 traballadores dos cines desaparecidos. Pola contra, xa anuncia que os traballadores presentarán unha demanda no xulgado do social por despedimento improcedente e "non creo que estean para pagar unha indemnización de 45 días por ano traballado".
Non obstante, García Pedrosa témese que co cambio de tecnoloxía para estas salas non sería necesario tanto persoal. O representante sindical témese que Galicine intente evitar a subrogación "e facer novos contratos pero aquí hai un convenio colectivo en situación dudosa que haberá que estudar".
Relacionadas:
-
Os novos propietarios dos cines piden licenza de apertura coa intención de comezar antes do Nadal
Por Redacción |
-
Os traballadores dos cines de Vialia denuncian que o novo propietario trata de "echarles basura encima" para non subrogalos
Por Anxo Lourido |
-
Adxudican a Galicine os cines de Vialia que poderían abrir en decembro
Por Oskar Viéitez |
-
Bágoas ante o adeus aos cines de Vialia
Por Anxo Lourido & Mónica Patxot |