A Deputación axilizará os seus pagamentos para inxectar liquidez en empresas e autónomos
Por Redacción
A presidenta da Deputación de Pontevedra, Carmela Silva, anunciou que o organismo provincial axilizará "aínda máis" o pago a empresas e provedores para inxectar liquidez na economía e garantir a "supervivencia" do tecido empresarial.
Todos os servizos administrativos recibiron a instrución de apurar "ao máximo" a tramitación destes pagos, para avanzar "ata o límite do que permita a normativa" para axudar a empresas e autónomos.
Silva advirte que a crise sanitaria do coronavirus está a se transmitir a unha "velocidade inusitada" á economía da provincia, o que afectará o benestar dos cidadáns.
Esta será, segundo a dirixente provincial, unha "prioridade absoluta" para o seu goberno que xa era, segundo os datos do Ministerio de Facenda, unha das administracións que antes realiza os seus pagos, cun período medio de once días.
"Estamos a falar dun asunto moi sensible", defendeu Carmela Silva, que asegura que hai procedementos "que poden esperar", pero este non é un deles.
Ademais, a presidenta provincial confirmou que activará un fondo de liquidez, dotado con 21 millóns de euros, para anticipar aos concellos de Pontevedra que teñan delegadas as súas competencias recadatorias no ORAL da Deputación.
Este diñeiro sairá da contía recadada polo pago de taxas de 2019, uns 18 millóns de euros, máis un incremento de 3 millóns de anticipo da recadación do imposto de vehículos, que non poderá ser cobrado en prazo debido ao estado de alarma.
Relacionadas:
-
O Plan Concellos, modificado para facilitar recursos contra o coronavirus
Por Redacción |
-
O PP pide á Deputación que informe debidamente aos concellos sobre as medidas adoptadas para a loita contra o coronavirus
Por Sara Iglesias |
-
Elaboran una guía de limpeza e desinfección de espazos públicos para os concellos
Por Redacción |
-
A Deputación dá luz verde a axudas e anticipos tributarios aos concellos por máis de 25 millóns de euros
Por Oskar Viéitez |
-
A Deputación libera catro millóns de euros para axudar aos concellos pequenos a loitar contra o coronavirus
Por Redacción |
-
A Deputación dará atención prioritaria a Príncipe Felipe ante a epidemia de coronavirus
Por Oskar Viéitez |
-
O Museo de Pontevedra tamén pecha ata novo aviso polo coronavirus
Por Alejandro Espiño |