A hostalería pontevedresa reclama máis medidas económicas para minimizar o impacto da crise
Por Oskar Viéitez
A hostalería pontevedresa considera "insuficientes" as medidas económicas anunciadas polo Goberno para paliar os efectos do coronavirus neste sector.
Por este motivo solicitan "medidas de tipo fiscal e administrativo" con carácter de "urxencia" para facilitar a subsistencia dos negocios hostaleiros.
Nun comunicado, a Federación provincial de hostalería (Feprohos) afirma que "se fan necesarias máis medidas" a pesar de que a flexibilización dos Expedientes de regulación temporal de emprego (ERTES) e o anuncio da garantía de liquidez das empresas por parte do Goberno axudarán ao tecido empresarial.
Desde Feprohos apelan "á sensibilidade e responsabilidade do Goberno para paliar ao máximo os efectos tan devastadores que esta crise está a ocasionar".
Segundo esta patronal, o 95% dos negocios hostaleiros teñen menos de dez empregados en persoal e deles o 45% non conta con traballadores, polo que unha elevada porcentaxe destes negocios depende exclusivamente dos autónomos. Por este motivo considerán "necesaria" a suspensión da cotización dos autónomos de hostalería.
Ademais, reivindican a suspensión de calquera obrigación de pago dos establecementos hostaleiros ás administracións, como son o pago do Imposto sobre Bens Inmobles (IBI) e resto de impostos municipais como poden ser os impostos das terrazas. Por iso, estendemos as nosas reivindicacións a outros ámbitos administrativos, como os Concellos e as comunidades autónomas, quen ten competencia directa neste tipo de impostos.
A Federación provincial de hostalería asegura tamén que "se fai necesaria a supresión de todas as taxas e impostos en todas as subministracións de enerxía". E, igualmente, para evitar a desaparición dos negocios, cren necesaria a renegociación de pólizas e un financiamento bancario con maior flexibilidade.
Así mesmo, solicitan a suspensión das obrigacións económicas dos establecementos hostaleiros cos arrendadores dos seus negocios, debido a que estes non están no seu normal funcionamento, tal e como xa anunciou o presidente francés que fará no seu país.
A pesar de que ven como boa medida que as Entidades de dereitos de autor, entre as que se atopan SGAE, AIE e AGEDI posterguen a cobranza das súas cotas, consideran que deberían ter en consideración descontar das mesmas todo o período no que os establecementos permanezan pechados, teniendo en cuenta que non van gozar dos seus servizos. Unha vez renovada a actividade, dar as facilidades necesarias para que os empresarios poidan afrontar os pagos.
Relacionadas:
-
O PP pedirá no pleno que os afectados pola crise sanitaria non paguen impostos e taxas
Por Redacción |
-
Os hostaleiros queren unha videoreunión co Concello para solicitarlle apoio ante os efectos da crise sanitaria
Por Redacción |
-
A provincia de Pontevedra encabeza en Galicia o número de traballadores afectados por ERTEs
Por Redacción |
-
Aplicar un ERTE ou non, esa é a cuestión
Por Manu Otero |
-
A Federación de Comercio solicita aos concellos que habiliten liñas de axuda
Por Oskar Viéitez |
-
A campaña da Renda esquiva o coronavirus e comezará o 1 de abril
Por Anxo Lourido |
-
O Camiño dá por perdida a campaña de Semana Santa, pero as reservas do verán mantéñense
Por Manu Otero |
-
O coronavirus pecha os grandes hoteis de Sanxenxo
Por Oskar Viéitez |
-
A suspensión de eventos polo coronavirus preocupa á hostelería de Pontevedra ante a cancelación de reservas
Por Boris Rodríguez Pintos & Anxo Lourido |