Buscan os donos de dous cans aparecidos na praia de Covelo o 3 de xaneiro
Por Redacción
O xoves 2, dous cans eran vistos na contorna de Raxó e ao día seguinte os dous animais atopábanse na praia de Covelo. Alí foron recollidos por integrantes da protectora de Poio Fogarcan.
Agora desde este colectivo tentan localizar aos propietarios a través das redes sociais. Afirman que os animais son moi bos e que se deixaron coller sen ofrecer problemas, ademais obedecen e por iso entenden que deben de ter donos.
O máis pequeno dos dous atopábase en peor estado de limpeza. Contaba cun colar pero sen chapa identificativa.
Aquelas persoas que poidan ofrecer datos sobre a súa procedencia poden poñerse en contacto con Fogarcan de Poio no teléfono 620.146.033