Case 11 millóns de euros para o plan de saneamento da Ría de Arousa en Vilagarcía
Por Redacción
O Plan de Saneamento Local na marxe esquerda da ría de Arousa concentrará case 11 millóns de euros para diversas obras hidráulicas, que segundo a Xunta de Galicia se iniciarán nun breve espazo de tempo coa redacción dos proxectos.
Esta estimación do investimento previsto para Vilagarcía foi desvelada polo conselleiro de Medio, Agustín Fernández, quen defendeu as actuacións en saneamento por tratarse dunhas obras fundamentais para o sector marisqueiro, pesqueiro e turístico: "este documento é unha mostra do firme compromiso que o Goberno da Xunta ten co saneamento das rías, para acadar o bo estado ecolóxico das súas augas".
Hernández sinalou que os traballos comezarán coa solución de diferetes carencias no saneamento de varias zonas de Vilagarcía, destinando a iso 2,8 millóns de euros.
A actuación de maior embergadura será a renovación do colector da marxe esquerda do río Con, colectores na Avenida da Mariña e Castor Sánchez, un tanque na praza de abastos e a ampliación de pretratamento da depuradora por valor de 6,7 millóns.
Por último a Xunta ten previsto investir un millón e medio de euros nun tanque de tormentas en Matosiños.
Despois de presentar tamén o plan de saneamento para a marxe dereita da ría, ata Ribeira, a Consellería de Medio espera dispoñer de todos os plans de actuación para a ría de Arousa antes de final de ano, incluíndo as obras a realizar nos concellos de Cambados, Meaño, Sanxenxo e O Grove.