A nova sede do GDR completará o núcleo de centralidade dos Campos
Por Alejandro Espiño
Ata 452.000 euros investiranse na rehabilitación da vella escola infantil dos Campos que, tras a súa reforma, será un centro social e a nova sede do Grupo de Desenvolvemento Rural (GDR) Leader Pontevedra-Morrazo.
A rehabilitación da antiga escola infantil, que na actualidade ten funcións de almacén municipal, permitirá situar na súa primeira planta a sede do GDR cunha oficina para a xerencia, tres postos de traballo, unha sala de reunións, un arquivo e baños.
A planta baixa, pola súa banda, será un espazo de uso veciñal cunha sala de usos múltiples e unha sala de exposicións, entre outros equipamentos. Terá un concepto aberto.
O acceso entre plantas farase por un módulo que se construirá ao carón do edificio, na parte posterior; e tamén está previsto facer un acceso ao edificio pola zona traseira e un ascensor que permita a entrada e saída ás persoas con mobilidade reducida.
Ademais, a zona exterior terá una especie de pel en forma de peche feito en chapa microperforada de cor verde, que permitirá unha maior integración co entorno e reforzar as medidas de eficiencia enerxética que se aplicarán en todo o inmoble.
A reforma será asumida nun 60% polo Concello de Pontevedra e nun 40% pola Axencia Galega de Desenvolvemento Rural (AGADER). A intención é licitar esta obra a próxima semana e que os traballos poidan coincidir con outras actuacións na zona para minimizar as molestias.
Este novo equipamento municipal completará o núcleo de centralidade parroquial dos Campos, no que se investirán arredor de dous millóns de euros no vindeiro ano, ao incluír, tamén, a construción do novo local social e o novo acceso a Monte Porreiro desde Tafisa.
Relacionadas:
-
O financiamento europeo e a bipolaridade demográfica en Galicia centran o primeiro foro de desenvolvemento rural do GDR Pontevedra e O Morrazo
Por Redacción |
-
O Concello ultima o protocolo para reabrir en outubro os centros sociais
Por Oskar Viéitez & Mónica Patxot |
-
A urbanización dos Campos incluirá algúns cambios a petición da veciñanza
Por Redacción |
-
Destinan axudas a 11 novos proxectos para dinamizar o rural
Por Oskar Viéitez |
-
O núcleo de centralidade dos Campos empeza a tomar forma coa vista posta en final de ano
Por Redacción |
-
A construción do novo acceso a Monte Porreiro por Os Campos durará nove meses
Por Alejandro Espiño |
-
Carmela Silva e Lores presumen de lealdade institucional cun convenio para crear o centro social dos Campos
Por Redacción |
-
A antiga escola dos Campos en Mourente será a sede do Grupo de Desenvolvemento Rural
Por Redacción |