Aproban o proxecto para mellorar a seguridade viaria na estrada entre Bueu e Marín
Por Redacción
Cun investimento de 1,2 millóns de euros, a reforma da estrada PO-551 entre Bueu e Marín dá un paso definitivo. O Diario Oficial de Galicia publica este luns a aprobación deste proxecto de mellora da seguridade viaria.
A obra, deseñada pola Consellería de Infraestruturas e Mobilidade, pretende resolver o perigo que existe nun treito de concentración de accidentes. A licitación das obras se prevé para este ano ou principios do seguinte e serán executadas no 2020.
As principais actuacións consisten na mellora de interseccións, destacando a construción de dúas glorietas no acceso á praia de Lapamán e na intersección coa estrada provincial EP-1304, e a mellora da intersección de acceso á praia de Agrelo, no punto quilométrico 8+950.
Na intervención inclúese ademais a execución dunha senda que dará continuidade ata o acceso á praia de Lapamán.
Tamén se reforzará a sinalización dos pasos de peóns existentes nas parroquias de Cela e Bueu, coa instalación de semáforos con pulsador en dous deles e sinalización luminosa nos restantes. Estas actuacións incluíronse no proxecto a pesar de non atoparse os pasos de peóns no treito de concentración de accidentes, pola súa conflitividade.
Outras actuacións complementarias serán a instalación de captafaros, a substitución dos postes das barreiras por outros menos lesivos e a renovación da sinalización horizontal.
Tras a análise das alegacións presentadas, o proxecto incorporou achegas como o cambio de configuración na glorieta de Agrelo, que se desprazou á intersección contigua da inicialmente prevista para reducir a súa afección.
Tamén na glorieta de Lapamán se realizou un axuste para reducir ocupación, pero de menor entidade, e se mellorou a conexión peonil coa vía de baixada á praia, habilitando ademais unha nova zona de aparcamento.
A actuación incluirá ademais a mellora da intersección do punto quilométrico 7+320, en Marín, mediante a execución dunha cuña de saída que mellora a visibilidade e a seguridade.
O proxecto suporá a expropiacións das 32 fincas necesarias para levar a cabo estas actuacións, principalmente para poder construír as dúas novas glorietas na estrada.
Relacionadas:
-
A Xunta pon en marcha a mellora da seguridade viaria nos accesos ás praias de Lapamán e Agrelo
Por Redacción |
-
Infraestruturas licita as obras na estrada PO-551 ao seu paso por Marín e Bueu
Por Oskar Viéitez |
-
Estrea oficial para a senda peonil entre Vilaseca e Lapamán
Por Redacción |
-
Novas beirarrúas para o parque empresarial de Castiñeiras, en Bueu
Por Redacción |
-
Comeza a instalación dun semáforo para garantir a seguridade viaria da PO-551 en Loureiro
Por Redacción |
-
Trasladan ao goberno local as queixas da veciñanza de Ardán polo pintado da PO-551
Por Oskar Viéitez |
-
Os veciños de Lapamán temen que a Xunta ignore as súas peticións para mellorar a seguridade na PO-551
Por Redacción |