A reforma do local de Ferreiros sairá a licitación antes do remate do ano
Por Redacción
O Concello ten ultimado o proxecto de reforma e habilitación do local de Ferreiros como dependencias municipais. Pendente da súa aprobación pola Xunta de Goberno local, está previsto que estea en licitación antes de que remate o ano, segundo informou este luns o portavoz municipal, Raimundo González.
"O proxecto valorouse en 1.246,953,40 euros", sinalou Raimundo González, quen engadiu que no prego de condicións do concurso incluirase como posibles melloras a instalación de mobiliario.
O local que o Concello de Pontevedra adquiriu na rúa Ferreiros ten 1.328 metros cadrados de superficie e nel instalaranse os servizos municipais de Xestión Tributaria, Tesourería e Urbanismo, nos que traballan máis de 70 persoas.
Coa súa apertura "mellorarán as condicións de traballo do persoal e tamén mellorarase se xeito substancial a atención cidadá", indicou González.
Relacionadas:
-
Asinado o convenio polo que a Deputación pagará o acondicionamento do local municipal en Ferreiros
Por Redacción |
-
O novo local municipal de Ferreiros estará en obras en febreiro
Por Alejandro Espiño |
-
A empresa que acondicione a sede municipal de Ferreiros terá cinco meses para facelo
Por Alejandro Espiño |
-
A nova sede municipal dos Ferreiros estará operativa a mediados de 2019
Por Alejandro Espiño |
-
O acondicionamento das oficinas municipais de Ferreiros custará outro millón de euros máis
Por Oskar Viéitez |