Denuncian os danos producidos no parque da Praza da Constitución
Por Redacción
O Concello de Cuntis expresou o seu malestar polos danos producidos durante a noite do venres no parque público infantil situado na Praza da Constitución.
O goberno local asegurou que a súa intención é denunciar os feitos para que non se volvan a repetir.
Segundo sinalan, todo apunta a que os danos no mobiliario urbano serían causados por un grupo de menores de idade que fixeron uso das instalacións durante a noite.
O obxectivo do Concello, en colaboración coa Policía Local, céntrase agora en tratar de identificar os autores da deterioración dunha instalación pública que é usada a diario polos máis pequenos.