Novas armas para os traballadores da limpeza
Por Diego Espiño
A Praza da Peregrina serviu de escenario este xoves para a presentación da nova maquinaria adquirida polo servizo de limpeza e recollida de lixo no municipio, a cargo da empresa Ferrovial Servizos tras prorrogar o Concello o contrato que lles unía durante tres anos máis.
Froito desa prórroga, segundo establecían as condicións pactadas, a concesionaria incorporou "cinco máquinas de nova xeración", tres varredoras e dúas limpadoras, explicou o xerente da empresa na zona, Jorge Pérez.
A iso súmase ademais un remolque de auga quente a presión que "quita todo tipo de manchas tanto na rúa coma nas paredes sen utilizar produtos químicos", sinalou Pérez.
"A maquinaria nova vai ser moi boa para o servizo de limpeza", recoñeceu no acto a concelleira responsable desta área, Carme da Silva, entendendo que "cada vez hai máis esixencia na limpeza".
Estas varredoras e limpadoras, sinalou o responsable de Ferrovial, "reducen as emisións de gases nocivos nun 55% e na emisión de ruidos 10 decibelios menos", aínda que non supoñerán por agora un incremento no persoal, tal e como demandan os traballadores, xa que "estamos a cumprir o plantel que está na nosa oferta, o que facemos agora é mecanizar máis o servizo co cal o rendememto e a produción é maior", defendeu.
Neste aspecto Carlos Corredoira, representante sindical dos traballadores, valorou como positiva a incorporación dun material que "boa falta nos facía" pero recalcou que " é obvio que fai falta persoal" polo crecemento experimentado pola cidade. O presidente do comité de empresa entende que o plantel debería aumentarse dos 125 traballadores actuais a 150 "para cubrir todas as necesidades".
Relacionadas:
-
Estudan ampliar a recollida de vidro porta a porta máis alá do centro histórico
Por Alejandro Espiño |
-
Renovarán todas as illas de reciclaxe da cidade e triplicarán as do rural
Por Alejandro Espiño |
-
Ferrovial encargarase tamén da limpeza dalgunhas dependencias municipais
Por Oskar Viéitez |
-
Pontevedra prorroga tres anos o contrato de recollida de lixo
Por Alejandro Espiño |