O lago de Castiñeiras agarda pola choiva para recuperar o seu esplendor
Por Redacción
Se se cumpren as previsións esta semana finalizarán as obras de reparación e selado do lago de Castiñeiras.
Despois do baleirado do estanque e a retirada dos animais que nel vivían, o Concello de Marín ocupouse de selar as gretas polas que se filtraba a auga do lago artificial. Os traballos revelaron o mal estado no que se atopaban as zapatas existentes.
Durante estes días reforzouse o muro da presa, para o que foi necesario profundar na zapata de formigón na zona das comportas.
Ademais ampliouse a escavación para construír un dique para conter a auga e instalar unha tubaxe para canalizala e darlle saída.
O tempo seco destes días axudou no ritmo da reparación e permitiu acometer con garantías unha limpeza xeral, pero de ser un estorbo a choiva pasa agora a ser imprescindible para que ao longo dos próximos meses o lago se recupere e volva ter vida coa repoboación deste espazo construído nos anos 50 do século pasado.
Relacionadas:
-
O lago de Castiñeiras empeza a recuperar a súa imaxe coas choivas
Por Redacción |
-
Atopan unha caixa con cachorros abandonados na zona de Castiñeiras
Por Redacción |
-
A vindeira semana rematan as obras para evitar as filtracións no lago de Castiñeiras
Por Redacción |
-
Evacúan os animais do lago de Castiñeiras para iniciar os traballos de selado
Por Redacción |