A Festa da Ameixa nunca falla
Por Redacción & Diego Torrado
Gastronomía e música, unha aposta gañadora. Campelo acolle durante a fin de semana a que é a XXXI edición da Festa da Ameixa, todo un clásico que non defrauda ano tras ano.
Ata 570 quilos de ameixa babosa da ría de Pontevedra puxéronse a disposición dos visitantes na carpa instalada na Praza da Granxa para as dúas xornadas de degustación, de sábado e domingo.
Racións de ameixas con arroz, con fideos ou á mariñeira que non deixaron indiferente a ninguén.
Con todo a gastronómica era só unha parte da festa, xa que este ano a cita contaba co acompañamento musical de Treixadura na noite do venres, Andy & Lucas o sábado e a verbena do grupo Claxxon o domingo.
Todo iso sen esquecer a tradicional homenaxe ás mariscadoras das tres confrarías da ría xubiladas ao longo do último ano.
Relacionadas:
-
A festa e a gastronomía tomarán Poio do 21 ao 25 de agosto e do 13 ao 15 de setembro
Por Redacción |
-
A Festa da Ameixa chega a Campelo con Treixadura, Andy & Lucas e 'leiraparking' de balde
Por Oskar Viéitez |
-
Treixadura engade tradición á oferta musical da Festa da Ameixa de Campelo
Por Redacción |