O PP alerta dunha nova subida de máis de 22.000 euros no contrato do lixo de Poio
Por Redacción
O PP de Poio alertou este luns de que o alcalde, Luciano Sobral, fixo unha proposta de subida no recibo anual do contrato de recollida de lixo de algo máis de 22.000 euros máis IVE, dos que 11.000 euros corresponderían á subida do IPC e o resto do aumento de envío de residuos a Sogama durante o ano pasado.
Esta subida, que o alcalde propuxo ao pleno a petición de Valoriza, a empresa concesionaria do servizo de recollida de lixo neste concello, será presentada proximamente no pleno municipal, e aplicaríase retroactivamente a partir de maio de 2017.
A concelleira do PP Rocío Cochón recordou que esta cantidade súmase á subida de 80.000 euros que a empresa Valoriza solicitou a principios de ano para compensar un erro de cálculo alegado pola concesionaria, que aduce a instalación de máis contedores dos que figuraban no contrato.
Cochón insiste en que no prazo de poucos meses, os veciños de Poio poden ter que facer fronte a unha subida de máis de 100.000 euros nun contrato que xa lles custa 800.000 euros anuais para "recompensar" unha empresa que "leva anos incumprindo o contrato sistematicamente coa complicidade dun Bipartito que xa lles está cobrando aos veciños o recibo máis caro de toda a provincia".
A través dun comunicado, Cochón enumera os incumprimentos de contrato e irregularidades no servizo por parte de Valoriza e lembra que xa accedeu ao contrato "non por méritos propios senón a raíz dunha denuncia contra a empresa gañadora do concurso". Na súa opinión, "desde que comezou o servizo en xuño de 2015 burlouse dos veciños en numerosas ocasións ante a pasividade do goberno de Luciano Sobral".
Relacionadas:
-
O Partido Popular localiza máis de 300 colectores de lixo obsoletos en Poio
Por Redacción |
-
O Concello de Poio rexeita as acusacións de "compadreo" coa concesionaria do servizo do lixo
Por Oskar Viéitez |
-
O PP denuncia que Valoriza reclama 80.000 euros "polos seus propios erros de cálculo"
Por Oskar Viéitez |
-
Poio si terá recollida de lixo en agosto: un acordo de última hora desconvoca a folga dos traballadores
Por Redacción |