A Fiscalía pide cinco anos de prisión para tres veciños do Vao por tráfico de drogas
Por Oskar Viéitez
A Sección Segunda da Audiencia provincial de Pontevedra sinalou para este martes 22 de maio un xuízo por tráfico de drogas polo que están acusados tres veciños do poboado chabolista do Vao para os que a Fiscalía pide cinco anos de prisión.
Máis polo miúdo, para os procesados A. G. C. e M. G. B., a Fiscalía pide penas de cinco anos de prisión, multa de 319, 148 euros, con 5 días de responsabilidade persoal subsidiaria que corresponda en caso de falta de pagamento.
Para o procesada MM. B. C. solicita as penas de cinco anos de prisión, multa de 849,178 euros, con 7 días de responsabilidade persoal subsidiaria que corresponda en caso de falta de pagamento.
Por un dispositivo de vixilancia montado pola Garda Civil entre os meses de febreiro e marzo de 2.016 nas inmediacións do poboado do Vao de Arriba, púidose comprobar que os tres acusados dedicábanse á actividade de transacción e venda a terceiras persoas de substancias estupefacientes, sobre todo cocaína, a pequena escala.
Nos rexistros levados a cabo o 11 de abril de 2.016 interveuse cocaína así como obxectos e efectos procedentes da actividade de transacción de substancias estupefacientes.
Relacionadas:
-
Tres veciños do Vao aceptan tres anos de prisión por tráfico de drogas
Por Natalia Puga |
-
A folga de xuíces e fiscais obriga a suspender un xuízo por tráfico de drogas no Vao
Por Natalia Puga | Creada e actualizada
-
A Garda Civil detén tres persoas no poboado do Vao e incauta medio centenar de doses de estupefacientes
Por Redacción |